Nora Fatehi Deepfake Video:

एआयच्या मदतीने डीपफेक व्हिडिओ (Deepfake Video) बनवण्याचे प्रकार काही थांबायचे नाव घेत नाहीत. रश्मिका मंदान्ना, कतरिना कैफ, आलिया भट्ट, काजोल यांच्यानंतर आणखी एक अभिनेत्री डीपफेक व्हिडिओची शिकार झाली आहे. प्रसिद्ध डान्सर आणि बॉलिवूड अभिनेत्री नोरा फतेहीची (Nora Fatehi) डीपफेक व्हिडीओ समोर आला आहे. सध्या सोशल मीडियावर नोरा फतेहीचा डीपफेक व्हिडिओ (Nora Fatehi Deepfake Video) तुफान व्हायरल होत आहे. नोरा फतेहीने स्वत: तिच्या इन्स्टाग्राम अकाऊंटवर ही माहिती दिली असून हा व्हिडिओ पाहून मी आश्चर्यचकित झाल्याचे तिने सांगितले आहे.

नोरा फतेहीने आपल्या अधिकृत इन्स्टाग्राम अकाउंटच्या स्टोरीवर एक पोस्ट शेअर केली आहे. नोराने तिच्या डीपफेक व्हिडीओचा एक फोटो पोस्ट करत त्यावर असे लिहिले की, 'मला धक्का बसला आहे. ही मी नाही.' नोरा फतेही व्हायरल होणाऱ्या डीफफेक व्हिडीओमध्ये असे दिसत आहे की, नोरा एका प्रोडक्टची जाहिरात करताना दिसत आहे. नोरा फतेहीचा चेहरा वापरून एक डीपफेक व्हिडिओ बनवण्यात आला असून तो व्हायरल होत आहे. हा व्हिडीओ पाहून नोराला धक्का बसला आहे.

दरम्यान, नोव्हेंबर 2023 मध्ये अभिनेत्री रश्मिका मंदान्नाचा डीपफेकची शिकार झाली होती. रश्मिकाचा डीपफेक व्हिडिओ सोशल मीडियावर व्हायरल होण्याची ही पहिली घटना होती. रश्मिका मंदान्नाच्या डीपफेक व्हिडिओमधील मुलगी ब्रिटिश-भारतीय वंशाची झारा पटेल होती. आरोपींनी झारा पटेलच्या बॉडीवर रश्मिका मंदान्नाचा चेहरा लावला होता. दिल्ली पोलिसांनी आंध्र प्रदेशातून रश्मिका मंदान्नाचा डीपफेक तयार करणाऱ्या मुख्य आरोपीला अटक केली आहे. याआधी डिसेंबरमध्ये चार आरोपी पकडले होते. मात्र मुख्य आरोपीला अटक करण्यात पोलिसांना आता यश आले आहे.

दरम्यान, गेल्या काही दिवसांपासून डीपफेक व्हिडीओ (Deepfake Video) आणि फोटोंनी सर्वांचे टेन्शन वाढले आहे. बॉलिवूडपासून साऊथ फिल्म इंडस्ट्रीतील सेलिब्रिटींचे आतापर्यंत अनेक डीपफेक व्हिडीओ व्हायरल झाले आहेत. डीपफेकचे शिकार झालेल्या सेलिब्रिटींमध्ये रश्मिका मंदान्ना, आलिया भट्ट, काजोल, सचिन तेंडुलकर, शुभमन गिल, सोनू सूद आणि आता नोरा फतेही यांच्या नावाचा समावेश आहे. या प्रकरणी आता सेलिब्रिटी देखील जागरुक झाले असून ते यावर उघडपणे भाष्य करताना दिसत आहेत. तसंच ते आपल्या चाहत्यांना याप्रकरणी जागरुक राहण्याचे आवाहन करत आहेत.