Pathan 8th Day Box Offcie Collection: शाहरुख खान ४ वर्षांनी मोठ्या पडद्यावर परतला आणि बॉक्स ऑफिसवर धुमाकुळचा घातला. शाहरुख खानचे फॅन त्याच्या चित्रपटाची चातकासारखी वाट पाहत होते. चित्रपट प्रदर्शित झाल्यानंतर शाहरुखच्या फॅन्सनी चित्रपटगृहाबाहेर गर्दी केली आणि शाहरुखच्या चित्रपटाला बॉक्स ऑफिसवर यश मिळवून दिले.

'पठान' चित्रपट प्रदर्शित होऊन ८ दिवस झाले आहेत. परंतु ८व्य दिवशी देखील चित्रपटाची कमाई कमी झालेली नाही. Sacnilk एंटरटेनमेंटने दिलेल्या अहवालानुसार 'पठान' चित्रपटाने बुधवारी देखील चांगली कमाई केली आहे. त्यांनी ट्विट करत सांगितले आहे की, 'पठान'ने ८व्या दिवशी १९ करोडची कमाई केली आहे. 'पठान'चे एकूण भारतातील कलेक्शन ३५० करोड झाले आहे.

'पठान' हा शाहरुख खानच्या करिअरमधला पहिला चित्रपट आहे ज्याने बॉक्स ऑफिसवर इतके कलेक्शन केले आहे. त्याचबरोबर 'पठान' हा हिंदी चित्रपटसृष्टीतील सर्वात मोठा ओपनिंग चित्रपट ठरला आहे.

'पठान' चित्रपटाने पहिल्या दिवशी 57 कोटी, दुसऱ्या दिवशी 70 कोटी, तिसऱ्या दिवशी सुमारे 40 कोटी, चौथ्या दिवशी 53 कोटी, पाचव्या दिवशी 60 कोटी, सहाव्या दिवशी 26 कोटी, सातव्या दिवशी 23 कोटींची कमाई करून सर्वांना आश्चर्यचकित केले आहे. जो इतक्या कमी वेळात 300 कोटींच्या क्लबमध्ये जाणारा 'पठान' हा हिंदी चित्रपटसृष्टीतील पहिला चित्रपट आहे.

'पठान'चे बॉक्स ऑफिसवर कमाई सुरूच आहे. हा चित्रपट लवकरच 400 कोटींचा टप्पा पार करेल यात शंका नाही. या चित्रपटात शाहरुख खान व्यतिरिक्त दीपिका पदुकोण आणि जॉन अब्राहम देखील मुख्य भूमिकेत आहेत. त्याचबरोबर या चित्रपटात सलमान खानचाही कॅमिओ आहे.