खूप काळापासून अभिषेक बच्चन (Abhishek Bachchan) आणि ऐश्वर्या राय (Aishwarya Rai Bachchan) यांच्या नात्यात दुरावा आल्याच्या चर्चा पाहायला मिळत होत्या. नेहमी ऐश्वर्या लेक आराध्यासोबत स्पॉट होत असे आणि अभिषेक बच्चन आपल्या कुटुंबासोबत दिसायचा. ते लवकरच घटस्फोट घेणार असल्याच्या देखील सोशल मीडियावर रंगल्या होत्या.

आता मात्र अभिषेक बच्चन आणि ऐश्वर्या राय एकत्र स्पॉट झाले आहेत. त्यांचा एक व्हिडीओ सोशल मीडियावर तुफान व्हायरल होत आहे. या व्हिडीओमध्ये ऐश्वर्या, अभिषेक आणि त्यांची लेक आराध्या (aaradhya bachchan) पाहायला मिळत आहेत आणि तिघेही खूप खुश पाहायला मिळत आहे. त्यांच्या या व्हिडीओमुळे त्यांच्यात सर्व आलबेल असल्याचे बोले जात आहे.

मीडिया रिपोर्टनुसार, अभिषेक बच्चन, ऐश्वर्या राय आणि आराध्या न्यू इयरसाठी परदेशात गेले होते. तेव्हा परदेशातून मुंबई एअरपोर्टवर त्यांना सहकुटुंब स्पॉट करण्यात आले. या वेळी ऐश्वर्या आणि आराध्याने पापाराझींशी संवाद देखील साधला. त्यांना नववर्षाच्या शुभेच्छा दिल्या. या दरम्यान ऐश्वर्या राय मराठीत 'चला चला' असे पापाराझींना म्हणताना दिसली.

व्हायरल होणाऱ्या व्हिडीओतील अभिषेकच्या एका कृतीमुळे सर्वांचे लक्ष वेधून घेतले. अभिषेकने बायकोसाठी कारचा दरवाजा उघडला आणि तसेच तिला कारमध्ये बसायला मदत देखील केली. हा व्हिडीओ पाहून नेटकरी कमेंट्सचा वर्षाव करत आहेत. यांना एकत्र पाहून चाहत्यांना खूप आनंद झाल्याचे पाहायला मिळत आहे. ऐश्वर्या राय आणि अभिषेक बच्चन याआधी आराध्याच्या शाळेतील ॲन्युअल डे ला एकत्र स्पॉट झाले होते.