Actress Veena Kapoor News: अभिनेत्री वीणा कपूर यांच्या निधनानं अवघी टीव्ही इंडस्ट्री हादरली. पोटच्या मुलानंच वीणा कपूर यांची हत्या केली. या घटनेनं सगळ्यांनाच मोठा धक्का बसला. मुलानं हे क्रूर कृत्य का केलं, असा प्रश्न सगळ्यांनाच पडला होता. या हत्येमागचं नेमकं कारण आता समोर आलं आहे.

'भाभी' मालिकेतून घराघरात पोहोचलेल्या वीणा कपूर यांच्या हत्येच्या घटनेनं टीव्ही इंडस्ट्रीतील प्रत्येक जण हादरला होता. त्यांची हत्या पोटच्या मुलानंच केल्याचं उघड झालं. त्यांचा मुलगा सचिननं बेसबॉलच्या बॅटनं त्यांची हत्या केली होती.

सचिननं जन्मदात्या आईचीच हत्या करून तिचा मृतदेह माथेरानजवळील नदीत फेकून दिला होता. संपत्तीच्या वादातून त्यानं ही हत्या केल्याचं पोलीस तपासात समोर आलंय.

काय आहे प्रकरण?

वीणा कपूर यांना दोन मुलं आहेत. त्यांचा एक मुलगा अमेरिकेत वास्तव्यास आहे. तो तिथं सॉफ्टवेअर इंजिनीअर म्हणून काम करतोय. तर वीणा मुंबईतील जुहूमध्ये आपला धाकटा मुलगा सचिनसोबत राहत होत्या. रिपोर्टनुसार, अमेरिकेत राहणाऱ्या मोठ्या मुलानं वीणा यांच्याशी संपर्क साधण्याचा बराच वेळ प्रयत्न केला. पण तो होऊ शकला नाही. तर धाकट्या भावाकडून त्याला काही माहिती मिळत नव्हती. त्यावेळी त्यानं पोलिसांशी संपर्क साधला. त्यानंतर ही घटना उघडकीस आली.

प्रॉपर्टीसाठी मुलानंच केली हत्या

मीडिया रिपोर्ट्सनुसार ,सचिन कपूर याचे आपल्या आईशी प्रॉपर्टीवरून वाद सुरू होते. हे प्रकरण कोर्टातही पोहोचलं होतं. ज्या दिवशी वीणा यांची हत्या झाली, त्या दिवशी त्यांचं मुलाशी भांडण झालं होतं. त्यावेळी रागाच्या भरात सचिननं त्यांच्या डोक्यात बॅट मारली. त्यानंतर नोकराच्या मदतीनं त्यानं मृतदेह माथेरानमध्ये फेकलं. पोलिसांनी आरोपी मुलगा आणि त्याच्या साथीदाराला अटक केली आहे. आरोपीनं गुन्ह्याची कबुली दिल्याचं पोलीस सूत्रांनी सांगितलं.