Shraddha Kapoor Reaction: बॉलिवूडचं क्रिकेटचं नातं खूपच खोलवर आहे. बॉलिवूडमधील अनेक सेलिब्रिटींना क्रिकेट पाहायला फारच आवडते. अनेक आयपीएल टीमचे मालक देखील अनेक सेलिब्रिटी आहेत. नुकतंच भारत आणि ऑस्ट्रेलियामध्ये वर्ल्ड टेस्ट चॅम्पियनशिपच्या फायनलचा सामना झाला..

ऑस्ट्रेलियन संघाने हा सामना अगदी सहज जिंकत विजेतेपदावर आपले नाव कोरले. बॉलिवूड अभिनेत्री श्रद्धा कपूर जरी हा सामना मैदानात पाहू शकली नसली, तरी तिने आपल्या घरी हा सामना पाहिला. टेस्ट मॅचच्या दुसऱ्या इनिंगमध्ये शुभमन गिलच्या विकेटवरुन मोठा वाद झाला होता. शुभमन नॉट आऊट होता, असं सर्वच क्रिकेटप्रेमींच मत आहे. शुभमनला बाद देण्याचा निर्णय श्रद्धाला पटलेला नाही.

भारत- ऑस्ट्रलिया सामन्यात कॅमेरून ग्रीनने शुभमन गिलची कॅच पकडली आहे. पण रिप्लेमध्ये ग्रीन कॅच पकडत असताना बॉल मैदानाला टच होताना दिसून येत आहे. त्यावरून सर्वत्रच वाद झाला. आणि अंपायरने दिलेल्या निर्णयालाही नेटकऱ्यांनी ट्रोल केले आहे. खुद्द शुभमन गिलही या निर्णयाने खूप दुःखी झालेला दिसला. आता सामन्याचा आनंद लुटणाऱ्या श्रद्धा कपूरलाही हे पचवता आले नाही. तिने अंपायरच्या निर्णयावर अतिशय मजेशीर आणि गंमतीशीर पद्धतीने टोमणा मारला.

अभिनेत्री श्रद्धा कपूरने तिच्या इन्स्टाग्राम स्टोरीवर बदामाचा फोटो शेअर केला आहे. यामध्ये ती हसताना आणि हातात बदाम दाखवत दिसत आहे. तिने फोटो पोस्ट करत कॅप्शनमध्ये लिहिले की, ‘तिसऱ्या अंपायरला मी बदाम ऑफर करते’. भारत आणि ऑस्ट्रेलिया सामन्यात शुभमन गिलची विकेट खूपच महत्वाची होती. या विकेटमुळे टीम इंडिया बॅकफूटवर गेलीय.

श्रद्धाच्या वर्कफ्रंटबद्दल बोलायचे तर, श्रद्धा कपूर सध्या गेल्या काही दिवसांपूर्वी प्रदर्शित झालेला ‘तू झुठी में मक्कर’ला मिळालेलं सक्सेस सेलिब्रेट करते. या चित्रपटात ती रणबीर कपूरसोबत रोमान्स करताना दिसली होती. दोघांच्या जोडीला चाहत्यांचा चांगला प्रतिसाद मिळाला. या चित्रपटाने बॉक्स ऑफिसवरही चांगली कमाई केली.