ज्येष्ठ बॉलिवूड अभिनेत्री हेलन (Helen Fitness) कायम कोणत्या ना कोणत्या कारणामुळे चर्चेत असतात. त्या कायम आपल्या फिटनेस आणि स्टाइलकडे लक्ष देताना दिसतात. 85 वर्षांच्या हेलन आजही खूप फिट पाहायला मिळतात. त्या कायम व्यायाम करताना दिसतात. आता देखील त्यांचा असाच एक व्हिडीओ सोशल मीडियावर व्हायरल होत आहे. व्हायरल होणाऱ्या व्हिडीओमध्ये हेलन या वर्कआऊट करताना दिसत आहेत.

हेलन यांच्या व्हायरल व्हिडीओमध्ये त्या पिलेट्स व्यायाम, ट्रॅम्पोलिन जंप आणि डान्स करताना पाहायला मिळत आहे. त्याच्या या व्हिडीओवर चाहत्यांकडून कमेंट्सचा वर्षाव होत आहे. हेलन यांच्या फिटनेसचे रहस्य या व्हिडीओमधून आपल्याला पाहायला मिळत आहे. त्याचा सकारात्मक दृष्टिकोन आणि नियमित व्यायाम करून त्या हेल्दी राहत आहेत. त्यांच्या निरोगी जीवनशैलीचे रहस्य हेच आहे.

व्हायरल व्हिडीओमध्ये हेलन या पायऱ्या चढ-उतरताना, ट्रॅम्पोलिनवर उडी मारताना, पायाचा आणि हाताचा व्यायाम करताना दिसत आहे. व्हिडीओच्या शेवटी हेलन 'मोनिका ओ माय डार्लिंग' गाण्यावर त्यांच्या हटके स्टाइलने डान्स करताना दिसत आहेत. पिलेट्स आपल्याला तरुण ठेवण्यास मदत करतात आणि नेहमी फिट राहण्यासाठी व्यायाम केला पाहिजे असे हेलन या व्हिडीओतून चाहत्यांना सांगत आहेत.

आजवर हेलन यांनी अनेक सुपरहिट चित्रपट केले आहे. त्यांच्या लूक आणि डान्सचे तर चाहते दिवाने आहेत. 'शोले' हा त्यांच्या गाजलेला चित्रपट आहे. तर 'पिया तू अब तो आजा' या गाण्याने त्यांनी प्रेक्षकांच्या मनात घर केले आहे. त्यांना अनेक पुरस्कारांनी सन्मानित करण्यात आले आहे.