Adah Sharma Grand Mother Death: सिनेसृष्टीतून एक दुखद घटना समोर आली आहे. 'द केरला स्टोरी'सहित अनेक प्रसिद्ध सिनेमात काम केलेल्या अदा शर्माच्या आजीचं निधन झालं आहे. त्या गेल्या काही दिवसांपासून आजारी होत्या. मागील एका महिन्यांपासून त्यांना रुग्णालयात उपचार घेत होत्या. अदाच्या आजीने रविवारी सकाळी ५.३० वाजता रुग्णालयात अखेरचा श्वास घेतला.

आजीच्या निधनाने अदा शर्माला मोठा धक्का बसला आहे. अदाचं नानीशी चांगलं बॉन्डिंग होतं. अदा तिच्या आजीला 'Paati' म्हणून हाक मारायची. तिची आजी अदाच्या घरात राहायला होती.

अदा शर्माने अनेकदा आजीसोबत फोटो शेअर केले आहेत. तिने काही दिवसांपूर्वी आजीचा वाढदिवस साजरा केला होता. तिने आजीसाठी सोशल मीडियावर खास पोस्ट केली होती. अदाने कॅप्शनमध्ये म्हटलं होतं की, 'माझ्या गोड आजीचा वाढदिवस, Paatiसोबत बर्थडे पार्टी'.

अदाने पुढे म्हटलं होतं की, 'माझ्या आजीच्या बर्थडे पार्टी मला सिनेमाटोग्राफर होण्याची संधी मिळाली. मला ही अभिमानाची बाब वाटत आहे.तसेच तिने काही फोटो देखील शेअर केले होते. अदा शर्माचं इंडस्ट्रीत मोठं नाव आहे. तिने काही हिट सिनेमे देऊन प्रचंड नाव कमावलं आहे.

अदा शर्माने २००८ साली '1920' या चित्रपटातून सिनेसृष्टीत डेब्यू केलं. तिने या सिनेमात लिसा सिंह राठोड नावाच्या पात्राची भूमिका साकारली होती. तिने हिंदी व्यतिरिक्त तेलुगु, कन्नड, तामिळ सिनेमातही काम केलं आहे. अदाने ओटीटीवर काम केलं आहे. अदा शर्माचा २०२३ साली 'द केरला स्टोरी' नावाचा सिनेमा आला होता. या सिनेमाचं दिग्दर्शन सुदिप्तो सेन यांनी केलं होतं. या सिनेमाने बंपर कमाई केली होती. तर १५ कोटी बजेट असलेल्या सिनेमाने ३०२ कोटींची कमाई केली होती.