दिवाळीच्या मुहूर्तावर जेथे कलाकार नवीन घर विकत घेत आहेत तिथे बॉलिवूड अभिनेता शाहिद कपूरने (Shahid Kapoor) आपलं घर भाड्याने दिलं आहे. शाहिद कपूर आणि पत्नी मीरा कपूरने आपलं वरळीमधील आलिशान घर भाड्याने दिलं आहे.
मीडिया रिपोर्टनुसार, शाहिद कपूरने आपला वरळीतील फ्लॅट पाच वर्षांसाठी भाड्याने दिला आहे. या फ्लॅटचं शाहिद कपूरला महिन्याला 20 लाख भाडे मिळणार आहे. शाहिदचे वरळीतील घर ओबेरॉय रियल्टीच्या थ्री सिक्स्टी वेस्ट नावाच्या बिल्डिंगमध्ये आहे. शाहिद कपूरचे घर खूप मोठे आहे. 5,395 चौरस फूट आहे. तसेच या घराला तीन कार पार्किंग देखील आहेत.
शाहिद आणि मीरा कपूरने 7 नोव्हेंबर रोजी पाच वर्षांसाठी घराचा करार केला आहे. त्यांनी आपला फ्लॅट डी'डेकोर होम फॅब्रिक्सचे (D' Decor Home Fabrics) वरिष्ठ अधिकारी दीपन भूपतानी यांना भाड्याने देण्यात आलं आहे. हा करार 60 महिने म्हणजे 5 वर्षांसाठी केला आहे. यासाठी अधिकारी दीपन भूपतानी यांनी 1 कोटी 23 लाखांचे डिपॉझिट शाहिद कपूरला दिले आहे.
मीडिया रिपोर्टनुसार, सुरुवातीच्या महिन्याचे भाडे 20.5 लाख असेल. नंतर पाच वर्षापर्यंत 23.98 लाख रुपये भाडे असेल.अजून शाहिद कपूरने कोणतीही अधिकृत माहिती दिली नाही आहे. शाहिद आणि मीराने हे घर मे 2024 मध्ये60 कोटींना खरेदी केले होते.
बॉलिवूड अभिनेता शाहिद कपूर आपल्या अभिनयाने प्रेक्षकांच्या मनावर राज्य केलं आहे. त्याचा मोठा चाहता वर्ग देखील आहे. त्याने अनेक हिट चित्रपट केले आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.