संदीप वांगा रेड्डी दिग्दर्शित, ‘ॲनिमल’ची सध्या प्रचंड चर्चा होत आहे. गेल्या काही दिवसांपासून चर्चेत राहिलेल्या या चित्रपटाचा टीझर येत्या २८ सप्टेंबरला प्रदर्शित होणार आहे. अशातच त्याआधी चित्रपटातील एका पात्राची चर्चा होत आहे. गेल्या काही दिवसांपूर्वी रणबीर आणि रश्मिका मंदान्नाचा चित्रपटातील लूक समोर आला होता. आता त्यानंतर बॉलिवूड अभिनेता बॉबी देओलचा चित्रपटातील फर्स्ट लूक समोर आला आहे.
या वर्ष अखेरीस अर्थात १ डिसेंबर रोजी हा चित्रपट बॉक्स ऑफिसवर प्रदर्शित होणार आहे. येत्या २८ सप्टेंबरला अभिनेता रणबीर कपूरचा वाढदिवस आहे, त्याच्या वाढदिवशी चित्रपटाचा टीझर प्रदर्शित होणार आहे. चित्रपटामध्ये मुख्य भूमिकेत रणबीर कपूरसह, नॅशनल क्रश रश्मिका मंदान्ना, अनिल कपूर, बॉबी देओल आणि तृप्ती डिमरी मुख्य भूमिकेत झळकणार आहे.
‘ॲनिमल’च्या अधिकृत इन्स्टाग्राम हँडलवरून बॉबी देओलचा चित्रपटातला फर्स्ट लूक शेअर करण्यात आला आहे. अभिनेत्याचा हा लूक शेअर करताना, “ॲनिमलचा हा शत्रू” अशा आशयाचे कॅप्शन देत लूक शेअर केला. सध्या अभिनेत्याचे चित्रपटातील पात्राचे नेमके नाव काय आहे, हे सध्या तरी गुलदस्त्यात आहे. फक्त बॉबीच्या पात्राची ओळख केली आहे.
चित्रपटात अनिल कपूर बलबीर सिंग नावाचे पात्र साकारणार आहेत. तर रश्मिका चित्रपटामध्ये गीतांजली नावाचे पात्र साकारणार आहे. चित्रपटातील कॅरेक्टर जस जशे समोर येत आहेत. तसतशे, प्रेक्षकांना चित्रपटाबद्दलची उत्सुकता फारच शिगेला पोहोचली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.