Salman Khan: बॉलिवूडचा भाईजान सलमान खान त्याच्या आगामी 'किसी का भाई किसी की जान' या चित्रपटाच्या शूटिंगमध्ये व्यग्र आहे. तो प्रोफेशनलपेक्षा त्याच्या वैयक्तिक आयुष्यामुळेच कायम चर्चेत राहिला आहे. 'कभी लव्ह लाइफ, कभी शादी' या विविध कारणांमुळे तो चर्चेत राहिला आहे. सध्या चित्रपटसृष्टीत चर्चा आहे की, सलमानला त्याची नवीन साथीदार मिळाली आहे आणि तो सध्या तिच्यासोबत रिलेशनशिपमध्ये आहे.

बहुतेकांना सलमानचे अनेक अभिनेत्रींसोबत अफेअर असल्याचे ठाऊक होते, त्यामुळे त्याचे नाव सुद्धा बऱ्याच प्रमाणात नाव खराब झाले आहे. पण मिळालेल्या माहितीनुसार, आता सलमान पुन्हा एकदा प्रेमात पडल्याची चर्चा सुरु झाली आहे. सलमान खान पूजा हेगडेला डेट करत असल्याचं बोललं जात आहे. एवढेच नाही तर पूजा सलमानच्या 'किसी का भाई किसी की जान' या चित्रपटातही काम करत आहे.

उमेर संधूच्या एका ट्विटने बॉलिवूडमध्ये खळबळ उडाली आहे. सलमान आणि पूजा रिलेशनशिपमध्ये असल्याचे उमेरचे म्हणणे आहे. उमेरने आपल्या ट्विटमध्ये लिहिले की, ‘ब्रेकिंग न्यूज… चित्रपटसृष्टीत आणखी एक नवं जोडपं समोर आले आहे. सलमान खान पूजा हेगडेच्या प्रेमात पडल्याची चर्चा होत आहे. सलमानच्या प्रोडक्शन हाऊसनेही पूजाला त्याच्या दोन चित्रपटांसाठी साइन केले आहे. हे दोघे सध्या एकत्र वेळ घालवत असून सलमानच्या जवळच्या मित्रानेही याला दुजोरा दिला आहे.

पूजा लवकरच रणवीर सिंहसोबत 'सर्कस' या चित्रपटात दिसणार आहे. या चित्रपटाचे दिग्दर्शन रोहित शेट्टीनं केले आहे. दरम्यान, 'किसी का भाई किसी की जान' या चित्रपटात सलमान खानसोबत पूजा हेगडे आणि शहनाज गिल देखील दिसणार आहे. चित्रपटाच्या शूटिंग सुरु झाली आहे आणि या दरम्यानच सलमान आणि पूजाच्या रिलेशनशिपच्या अफवाह सुरु झाल्या.