सध्या सर्वत्र 'बिग बॉस मराठी' ची चर्चा पाहायला मिळत आहे. घरातील वाद दिवसेंदिवस वाढताना दिसत आहेत. नुकताच 'बिग बॉस मराठी'चा नवीन प्रोमो आऊट झाला आहे. यात निक्की (Nikki Tamboli ) आणि जान्हवी ( Jahnavi Killekar) भांडताना दिसत आहेत.

बिग बॉसच्या ( Bigg Boss Marathi ) घरात प्रत्येक वेळी काय चालू असते, हे पाहण्यासाठी प्रेक्षक नेहमी उत्सुक असतात. दिवसेंदिवस निक्कीची मनमानी वाढत जात आहे. यात अजून एक भर म्हणजे निक्कीने घरातील ड्युटी करण्यास नकार दिला आहे. त्यामुळे निक्की आणि जान्हवीमध्ये जेवण बनवण्यावरून मोठा वाद झाल्याचे पाहायला मिळत आहे. निक्कीच्या अशा वागण्यावर संपूर्ण घरालाच तिचा प्रचंड राग आलेला आहे. बिग बॉसच्या घरात हल्ली रोज भांड्याला भांड लागून मोठे वाद होत आहेत. आज स्वयंपाक हे वॉर मैदान होणार आहे.

'बिग बॉस मराठी' च्या घरातील भांडणे दिवसेंदिवस वाढत जात आहेत. मात्र अनेक वेळा भांडणांमध्ये निक्कीचा समावेश असतोच. निक्कीचा स्वभाव घरच्यांना दिवसेंदिवस त्रास देऊ लागला आहे. तसेच दोन्ही टीममध्ये देखील रोज खटके उडताना पाहायला मिळत आहेत.

बिग बॉसच्या नवीन प्रोमोमध्ये असे दिसत आहे की, जान्हवी निक्कीला म्हणते 'तुला थोडी तरी लाज वाटत असेल तर मी बनवलेले जेवण तू जेवणार नाहीस.' तर यावर निक्कीचं उत्तर येत की, 'माझ्या वाकड्यात गेलं तर मी गळाच पकडत असते.' निक्कीची ही भाषा घरात अनेकांना खटकत आहे. निक्की आणि जान्हवीचा काय धुमाकूळ घालणार याकडे सर्वांचे लक्ष लागले आहे.