बिग बॉस मराठी सीजन 5 सध्या चांगलाच गाजताना दिसतो आहे. बिग बॉस मराठीचा शो सुरू झाल्यापासून प्रेक्षकांची मने जिंकत आहे. बिग बॉस मराठीच्या या शोने टीआरपीचेही सर्व रेकॉर्ड ब्रेक केले आहेत. सध्या बिग बॉस मराठीचा ८ वा सीझन सुरू आहे. अशातच चाहत्यांना धक्का देणारी माहिती समोर आली आहे. बिग बॉस शो लवकरच प्रेक्षकांचा निरोप घेणार असल्याची माहिती आहे.

सोशल मीडियावर बिग बॉस मराठीचा शो लवकर संपणार असण्याची चर्चा रंगली आहे. बिग बॉसच्या घरातील रंगतदार खेळी सुरू आहे. अशातच १०० दिवसांचा हा शो आता ७० दिवसातच संपणार असल्याने बिग बॉसचे प्रेक्षक नाराज झाले आहेत.

सोशल माडियावर बिग बॉस मराठीच्या ग्रँड फिनालेची तारीख जाहीर करण्यात आली आहे. व्हायरल व्हिडीओमध्ये बिग बॉस मराठी या शोचा ग्रँड फिनाले ६ ऑक्टोबर होणार आहे असं म्हटलं आहे. या व्हायरल व्हिडीओवर नेटकऱ्यांनी कमेंट करत नाराजी व्यक्त केली आहे. तर अनेकांनी बिग बॉस हिंदी १८ वे पर्व ऑक्टोबरच्या पहिल्या आठवड्यात होणार असल्याने हा निर्णय घेतला असल्याचं म्हटलं आहे. बिग बॉसच्या अधिकृत पेजवरून या शोच्या ग्रँड फिनालेची तारीख अद्यापही जाहीर करण्यात आलेली नाही.

बिग बॉस मराठीचा सध्या आठवा सीझन सुरू आहे. नुकतंच बिग बॉसच्या घरात अरबाज पटेल कॅप्टन बनला आहे. सध्या बिग बॉसच्या घरात निक्की तांबोळी, अरबाज पटेल, अभिजीत सांवत, वर्षा उसगावकर, पंढरीनाथ कांबळे, सूरज चव्हाण, अंकिता वालावलकर, धनंजय पोवार, जान्हवी किल्लेकर, संग्राम हे स्पर्धक खेळ खेळताना दिसत आहे. या कलाकारांपैकी कोण जिंकणार ट्रॉफी?हे पाहण्यासाठी प्रेक्षकांची उत्सुकता शिगेला पोहचली आहे.