बिग बॉस मराठीचा सीझन 5 सध्या चांगलाच चर्चेत आहे. बिग बॉसच्या घरात मनोरंजनविश्वातील सेलिब्रिटींनी खास उपस्थिती दर्शवली. नुकताच बिग बॉसचा नवीन प्रोमो रिलीज झाला आहे. बिग बॉसच्या घरात अभिनेता शिव ठाकरेची एन्ट्री होणार आहे. बिग बॉसच्या घरात शिव ठाकरे स्पर्धकांना भेटायला येणार आहे.

बिग बॉस मराठीचा शेवटचा आठवडा फारच रंजक असणार आहे. बिग बॉसच्या घरात आता सात स्पर्धक बाकी आहेत. अशातच स्पर्धकांना भेटायला आणि त्यांना प्रोत्साहन देण्यासाठी घरात बिग बॉस मराठी सीझन 2 चा विजेता शिव ठाकरेची एंट्री होणार आहे. नुकताच रिलीज करण्यात आलेल्या प्रोमोमध्ये,

शिव ठाकरेची हटके एन्ट्री होताना दिसतेय दरम्यान तो म्हणतो, “हे सेलिब्रेशन इतकं भव्य दिव्य राहणार आहे की बिग बॉसच्या इतिहासात कधीच झालेलं नाही. तुम्हा सर्वांना महाराष्ट्राकडून मानाचा मुजरा”.शिव ठाकरेच्या आधी घरात अभिनेत्री राखी सावंत, अभिजीत सावंत आणि अनिल थत्ते यांनीही एंट्री घेतली होती. आता शिव ठाकरे नेमकं बिग बॉसच्या घरात काय हंगामा करणार आहे याकडे प्रेक्षकांचे लक्ष लागले आहे.

शिव ठाकरेच्या एन्ट्रीने बिग बॉसच्या घरात एक वेगळाच जल्लोष पाहायला मिळत आहे. शिवने घरात येताच सगळ्या सदस्यांना एक महत्त्वाची गोष्ट सांगितली आहे. शिव ठाकरे घरात आल्यानंतर या सीझनमधील आतापर्यंतच्या प्रवासाचं सर्वात हटके सेलिब्रेशन होणार असल्याचं म्हटलं आहे. घरातील सगळ्या सदस्यांसाठी शिव एक खास सरप्राईज घेऊन येणार आहे.

बिग बॉस मराठी सीझन 5 सध्या शेवटच्या टप्प्यात आहे. येत्या 6 ऑक्टोबरला बिग बॉसचा मराठी सीझन 5 ग्रँड फिनाले पार पडणार आहे. ‘बिग बॉस मराठी’च्या पाचव्या पर्वात आता आठ सदस्य बाकी राहिले आहेत. अभिजीत सावंत, सूरज चव्हाण, अंकिता वालावलकर, निक्की तांबोळी, जान्हवी किल्लेकर, वर्षा उसगांवकर, धनंजय पोवार हे आठही सदस्य या आठवड्यात नॉमिनेट आहेत. त्यामुळे या आठ सदस्यांमध्ये कोण जिंकणार? हे पाहणं महत्त्वाचं असणार आहे.