Sai Lokur Share photo Of Her Baby Naming Ceremony:

'बिग बॉस' मराठीमधून अभिनेत्री सई लोकूर घरघरात पोहचली. सई लोकूर नेहमी तिच्या वैयक्तिक आयुष्यामुळे चर्चेत असते. सईने १७ डिसेंबरला एका गोंडस लेकीला जन्म दिला आहे. सईने सोशल मीडियाच्या माध्यमातून ही गड न्यूज चाहत्यांसोबत शेअर केली होती. त्यानंतर नुकताच सईच्या लेकीचा बारसा सोहळा पार पडला आहे. (Entertainment News In Marathi)

सई लोकूर सोशल मीडियावर खूप सक्रिय असते. ती तिच्या दैनंदिन घटना सोशल मीडियावरुन शेअर करत असते. काही दिवसांपूर्वीच तिने आई होणार असल्याची माहिती चाहत्यांसोबत शेअर केली होती. त्यानंतर तिने बेबीबंपचे छान फोटोशूट केले होते. त्यामुळे ती चर्चेत आली होती. त्यानंतर आता तिने लेकीच्या बारसा सोहळ्याचे फोटो सोशल मीडियावर शेअर केले आहेत.

सईने घरच्या घरी लेकीचं बारसं केलं आहे. अगदी साध्या पद्धतीने तिने लेकीचे बारसे केलं आहे. यावेळी सईने घराला छान सजवल्याचे दिसत आहे. लेकीच्या पाळण्याभोवती फुलांची सजावट केल्याचे दिसत आहे. सई आणि तिच्या नवऱ्याने लेकीच्या बारसा सोहळ्याला व्हाईट कलरचे कपडे परिधान केले आहेत. याचे फोटो तिने शेअर केले आहेत. 'नव्याने पालक झालो त्याचा आनंद आणि अभिमान', असं कॅप्शन सईने या फोटोला दिले आहे.

सईच्या या फोटोवर लाई्क्स आणि कमेंट्सचा वर्षाव होत आहे. इंडस्ट्रीतील कलाकारांनी आणि चाहत्यांनी सईचे अभिनंदन केले आहे. चाहत्यांनी सईचे बाळचे नाव काय असा प्रश्न विचारला आहे.