'बिग बॉस मराठी 6' सुरू होऊन आता सहा आठवडे झाले आहेत. सहाव्या आठवड्यात खानदेशचा किंग सचिन कुमावत बिग बॉसच्या घराचा निरोप घेतो. सहाव्या आठवड्यात 9 सदस्य नॉमिनेट झाले होते. यात प्रभू शेळके, प्राजक्ता शुक्रे, दीपाली सय्यद, रुचिता जामदार, राकेश बापट, सचिन कुमावत, अनुश्री माने, रोशन भजनकर आणि सागर कारंडे यांचा समावेश आहे. काल भाऊच्या धक्क्यावर गायक सचिन कुमावतने घरातून एक्झिट घेतली.

नऊ सदस्यांमधून बॉटम-3 मध्ये रुचिता जामदार, रोशन भजनकर आणि सचिन कुमावत होते. तिघांना तीन दरवाजांसमोर उभे केले. गार्डन एरियातील दरवाजासमोर सचिन उभा होता, तोच दरवाजा उघडतो आणि सचिनचा घरातील प्रवास संपतो. सचिन घराबाहेर जाताच सदस्य खूपच भावुक होतात. त्याला घट्ट मिठी मारतात. खूप रडतात.

घराबाहेर पडल्यावर सचिन कुमावत स्टेजवर येतो. आपल्या संपूर्ण प्रवासाबद्दल भावना व्यक्त करतो. तसेच घरातील सर्व सदस्यांचे, प्रेक्षकांचे, चाहत्यांचे आणि रितेश भाऊंची आभार मानतो. तो खूप भावुक होतो. त्यानंतर सचिनचा प्रवास दाखवण्यात आला. तो घरात कायम सदस्यांना सांभाळून घेताना दिसला. बाहेर आल्यावर सचिन म्हणाला, "भाऊ बिग बॉसच्या घरातील प्रवास खूप सुंदर होता. येथे खूप गोष्टी शिकलो. येथे माझ्या खानदेशची ओळख मी निर्माण करू शकलो."

सचिनचे कौतुक करत रितेश भाऊ म्हणाले की, "या घरातला चांगला माणूस कोण तर सचिन भाऊ, दीड महिन्यांत महाराष्ट्रात तुम्ही एक वेगळी आणि खूप चांगली ओळख निर्माण केली आहे. ही अशी ओळख या घरात राहून निर्माण करणे खरंच सोपे नाहीये..." सचिनच्या एक्झिटनंतर घरातील सदस्य खूपच भावुक झाले. तन्वी आणि प्राजक्ता खूप रडल्या. आता बिग बॉसचा सातवा आठवडा सुरू झाला आहे.  'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळणार आहे.