बिग बॉसच्या घरातील वातावरण पूर्णपणे बदलले आहे. घरातील सदस्य रोज कोणत्या ना कोणत्या गोष्टीवरून भांडताना दिसत आहेत. नुकताच बिग बॉसचा एक व्हिडीओ समोर आला आहे. ज्यात राशनच्या गोण्यांवरून सदस्यांमध्ये अक्षरशः राडा झालेला पाहायला मिळतोय. नुकताच बिग बॉसच्या घरात राशन टास्क रंगला. काल घरात कॅप्टन्सीचे उमेदवार ठरवण्यात आले होते.

बिग बॉसच्या घरात राशन टास्क सुरू असताना. त्याला आक्रमक रुप येते. प्रोमोमध्ये घरातील दोन सदस्य रोशन आणि ओंकार यांच्यात तुफान राडा होतो. दोघे एकमेकांना भिडताना दिसतात. रोशनचे बोलतो की, "पहिली गोणी मी घेतली आहे..." ओंकार बोलतो, "पहिली गोणी मी पकडली होती आधी!" त्यावर रोशन पुन्हा बोलतो, "ए ओंकार माझी सटकली ना तर मी ऐकत नसतो. मी खोटं नाही बोलो. हे माझ्यासाठी 'रोजी-रोटी' आहे. मी उपाशी पण राहायला तयार आहे..."

सध्या बिग बॉसच्या घरातील अनुश्री माने चांगलीच चर्चेत आहे. ती घरातील सदस्यांशी भांडताना दिसत आहे. राकेशनंतर तिचे प्राजक्तासोबत भांडण झाले आहे. काम न करण्यावरून प्राजक्ता आणि अनुश्रीमध्ये भांडण होते. ज्यात अनुश्री प्राजक्ताला शिव्या देते. त्यामुळे घराचे वातावरण चांगलेच बिघडते. या आठवड्यात बिग बॉसच्या घरातून कोण जाणार पाहणे महत्त्वाचे ठरणार आहे. तसेच घराचा नवा कॅप्टन कोण, पाहूया.

आता टास्क दरम्यान नेमकं गोणी कोणी पहिली पकडली ही येणाऱ्या भागांमध्ये समजेल. 'बिग बॉस मराठी ६' हा शो रात्री 8 वाजता 'कलर्स मराठी' आणि 'जिओहॉटस्टार'वर पाहायला मिळणार आहे. 'बिग बॉस मराठी ६' ला प्रेक्षकांकडून चांगला प्रतिसाद पाहायला मिळत आहे.