'बिग बॉस मराठी'चे पाचवे पर्व सुरु होऊन अवघे काही आठवडे झाले आहेत. या काहीच दिवसांमध्ये स्पर्धकांमध्ये जोरदार भांडणे होताना दिसत आहे. तर काही स्पर्धक कुटुंबियांच्या आठवणीने भावूक होताना दिसत आहे. 'बिग बॉस'च्या घरात वाद, राडा होणे हे काही नवीन नाही. सध्या बिग बॉसच्या घरात दोन ग्रुप पडले आहेत. या ग्रुपमध्ये नेहमी भांडणे होताना दिसत आहेत.आता घरात निक्की आणि अरबाजमध्ये जोरदार भांडणे होताना दिसत आहे. निक्की आणि अरबाजमधील या भांडणाने घरात मोठा राडा होणार आहे.

कलर्स मराठीच्या अधिकृत इन्स्टाग्राम हँडवरुन शोचा नवीन प्रोमो शेअर करण्यात आला आहे. या प्रोमोत सुरुवातील निक्की अभिजीत सावंतची माफी मागताना दिसत आहे. निक्की म्हणते की, 'मी खरंच तुझी मनापासून माफी मागतेय'. त्यावर अभिजीत म्हणतो, 'हो तू नेहमीच मनापासून माफी मागते'.मात्र, या गोष्टींचा राग अरबाजला आल्याचे दिसत आहे.यानंतर अरबाज आणि निक्कीमध्ये जोरदार भांडण होते. अरबाज निक्कीला म्हणतो की, 'तू नुसती फिर. तू पण भवऱ्यासारखी फिरतेय. आता तिकडे गेली'. यावर निक्की अरबाजला ओरडून म्हणते की', मी नाही फिरत'. त्यानंतर या दोघांमध्येही जोरदार भांडण होते. दोघेही त्यांच्यासमोरील वस्तू फेकून देतात. बिग बॉसच्या घरात पहिल्यांदाच निक्की आणि अरबाजमध्ये एवढ्या मोठ्याने भांडण झाल्याचे दिसत आहे.

'बिग बॉस'च्या या प्रोमोमुळे आता टीम ए मध्ये फुट पडणार का असणार प्रश्न प्रेक्षकांना पडलेला आहे. बिग बॉसच्या घरात वीकेंडला रितेश देशमुखने घरातील सदस्यांची चांगलीच शाळा घेतली आहे. वैभव, निक्कीला चांगलेच खडेबोल सुनावले होते. त्यानंतर आता 'बिग बॉस'च्या घरात नव्या वादाला तोंड फुटले आहे.