'बिग बॉस 18' (Bigg Boss 18) दिवसेंदिवस मनोरंजक होत जात आहे. या पर्वाचे पहिले एलिमिनेशन झाले आणि हेमा शर्मा घराबाहेर पडली. 'बिग बॉस 18'च्या शोमधून बाहेर पडल्यावर हेमा शर्मा आपल पहिली प्रतिक्रिया दिली आहे. जिओ सिनेमाच्या इन्स्टाग्राम हँडलवरून एक व्हिडिओ शेअर करण्यात आला आहे. यात हेमा शर्मा खूप भावुक झालेली पाहायला मिळत आहे.

हेमा शर्मा (Hema Sharma ) व्हिडीओमध्ये बोलताना दिसत आहे की, मी जमिनीवर होती आणि आता बिग बॉसच्या घरात पोहोचले. तिथे मला सर्वांचे प्रेम मिळाले. लोकांचा पाठिंबा, लोकांचा विश्वास मिळाला. त्यामुळे काही झाले तरी मी जिंकले आहे, हे माझे यश आहे. महत्त्वाचे म्हणजे मी विजेता आहे.

हेमा शर्मा पुढे बोली की, "होय, मी बिग बॉसच्या घरातून बाहेर पडली. पण मी अजिबात दुःखी नाही. पहिल्या दिवशी मला चाहत भेटली आणि प्रेमाने तिने मला मिठी मारली. तिने मला संपूर्ण घर फिरवले. बिग बॉस सारख्या शोमध्ये चांगलं काम करणं वाईट गोष्ट नाही, पण आधी स्वतःचा विचार करणं गरजेचं आहे. मला वाटते की मी अधिक चांगुलपणा ठेवला आहे ज्यामुळे मी बाहेर पडली आहे. त्यामुळे सर्वजण नाराज आहेत.

आता बिग बॉसच्या घरात नवीन कोणता राडा होणार आणि या आठवड्यात बिग बॉसच्या घरातून कोण बाहेर जाणार हे पाहणे मनोरंजक ठरणार आहे.