Bigg Boss Contestant Party: टेलिव्हिजनवरील नेहमीच वादग्रस्त आणि प्रेक्षकांच्या पसंदीस उतरणारा शो म्हणजे 'बिग बॉस '. 'बिग बॉस' नेहमीच टेलिव्हिजनवर टीआरपीच्या बाबतीत अव्वल आहे. नुकताच बिग बॉसच्या सोळाव्या पर्वाने प्रेक्षकांचा निरोप घेतला आहे. नुकतेच बिग बॉसच्या सर्व सदस्यांसाठी बॉलिवूड दिग्दर्शक फराह खानने पार्टीचे आयोजन केले होते.

यावेळी सदस्यांमध्ये तिचा भाऊ साजिद खान देखील होता. या पार्टीतील काही व्हिडिओ तुफान व्हायरल होत आहे. यामध्ये शिव ठाकरे आणि अर्चना गौतमचा एक व्हिडिओ बराच व्हायरल होत आहे. यांच्यात नेहमीच बिग बॉसच्या घरात असताना भांडण व्हायचे. नेहमीच वाद घालणारी जोडी कशी काय एकत्र आली असा नेटकऱ्यांनी प्रश्न विचारला.

‘जवानी जाने मन’ या गाण्यावर शिव आणि अर्चना रोमँटिक गाण्यावर ताल धरताना दिसत आहेत. अर्चनाने तिच्या इन्स्टाग्राम अकाऊंटवर शिवबरोबर डान्स करतानाचा हा व्हिडिओ शेअर केला आहे. हा व्हिडिओ पाहून अनेक नेटकऱ्यांनी तिला बरेच ट्रोल केले आहे.

हा व्हिडिओ पाहून नेटकरी म्हणतात, “हिला पण शिवचं फुटेज पाहिजे. मंडलीमध्ये नसणारे सगळे शिवच्या पाठीमागे लागले आहेत” अशी कमेंट करत एका युजरने तिला ट्रोल केले. तर दुसऱ्याने “अर्चना आणि शिव फक्त डान्स करतानाच चांगले दिसतात” असं म्हटलं. अनेकांनी शिव ठाकरे व अर्चनाच्या डान्सचं कौतुक करत त्यांच्या केमिस्ट्रीला पसंदी दर्शवली. “तुम्ही दोघे एकत्र छान दिसता” अशी कमेंट आणखी एका युजरने केली आहे. शिव व अर्चनाचा हा व्हिडीओ सोशल मीडियावर प्रचंड व्हायरल होत आहे.

अर्चना गौतम व शिव ठाकरे ‘बिग बॉस हिंदी १६’च्या टॉप ५ फायनलिस्टपैकी एक होते. रॅपर एसमी स्टॅनने सर्वाधिक मतं मिळवत विजेता होण्याचा मान मिळवला. तर शिव ठाकरे फर्स्ट रनर अप ठरला. अर्चनाला मात्र चौथ्या स्थानी समाधान मानावं लागलं.