नवी दिल्ली : प्रसिद्ध बांगलादेशी अभिनेत्री नुसरत फारियाच्या अडचणीत वाढ झाली आहे. 'मुझिब : दे मेकिंग ऑफ ए नेशन' या सिनेमातील भूमिकेमुळे नुसरत चर्चेत आली होती. या सिनेमात नुसरतने माजी पंतप्रधान शेख हसीना यांची भूमिका साकारली होती. याच अभिनेत्री नुसरतला ढाकाच्या शाहजलाल आंतरराष्ट्रीय विमानतळावरून अटक करण्यात आली आहे. अभिनेत्रीच्या अटकेनंतर चाहत्यांमध्ये खळबळ उडाली आहे.

मीडिया रिपोर्टनुसार, मागील वर्षी शेख हसीना यांच्या विरोधातील आंदोलन दरम्यान झालेल्या एकाच्या हत्येशी संबंधित प्रकरणात अभिनेत्री अडकली आहे. नुसरत फारिया फक्त ३१ वर्षांची आहे. एका वृत्तपत्राच्या रिपोर्टनुसार, अभिनेत्रीला थायलँडला जाताना चेकपाइंटवर थांबवलं.

अभिनेत्रीच्या विरोधात हत्येचा प्रयत्न करण्याविषयी गुन्हा नोंदवण्यात आला आहे. अभिनेत्रीविरोधात अटक वॉरंट जारी करण्यात आलं होतं. बांगलादेशातील नागरिकांनी आंदोलन केल्यानंतर शेख हसीना यांना राजीनामा द्यावा लागला होता. तसेच हसीना यांना भारतात आश्रय घ्यावा लागला होता.

बांगलादेशातील वृत्रपत्राने अभिनेत्री नुसरतला अटक करण्याचा वृत्ताला दुजोरा दिला आहे. नुसरत फारियाला २००३ साली केलेल्या शेख हसीना यांच्या भूमिकेमुळे प्रसिद्धी मिळाली. बांगलादेश आणि भारताच्या संयुक्त प्रयत्नातून हा सिनेमा बनवण्यात आला होता. मुझिब सिनेमा हा प्रसिद्ध दिग्दर्शक श्याम बेनेगल यांनी दिग्दर्शित केले.