KBC 14 मुळे आपल्याला अभिनेता अमिताभ बच्चन (Amitabh Bachcha) छोट्या पडद्यावरही पाहायला मिळतात. दरवर्षी टीव्ही प्रेक्षक अमिताभ बच्चन यांच्या 'कौन बनेगा करोडपती' (KBC) शो च्या नवीन सीझनची आतुरतेने वाट पाहत असतात. अलीकडेच केबीसीच्या शोमध्ये अमिताभ बच्चन यांनी ते कोणत्या बॉलीवूड अभिनेत्याचे चाहते आहेत याचा खुलासा केला आहे.

बॉलीवूडचे महानायक अमिताभ बच्चन यांच्यासाठी संपूर्ण जग वेडे आहे. त्यांच्या विषयी प्रत्येक अपडेट जाणून घेण्यासाठी प्रेक्षक आतूर असतात. ज्यांच संपूर्ण जग दिवाण आहे, ते स्वतः मात्र अभिनेता पंकज त्रिपाठी (Pankaj Tripathi) यांचे चाहते आहेत. KBC 14 च्या शोवर 'बिग बी' ने सांगितले की, बॉलीवूड अभिनेता पंकज त्रिपाठीकडून त्यांना खूप काही गोष्टी शिकायला मिळतात.

अमिताभ बच्चन यांनी पंकज त्रिपाठी यांचे केले कौतुक

'कौन बनेगा करोडपती'च्या एका एपिसोडमध्ये अमिताभ बच्चन यांनी हॉट सीटवर बसलेल्या स्पर्धकाला पंकज त्रिपाठी यांच्या चित्रपटाशी संबंधित प्रश्न विचारला होता. प्रश्न असा होता की, 'बॉलिवुड अभिनेता पंकज त्रिपाठीने त्याच्या 'मैं अटल हूं' या चित्रपटात कोणाची भूमिका साकारली होती?' त्याला उत्तर म्हणून 4 पर्याय देण्यात आले. त्यापैकी बरोबर उत्तर होते ‘अटल बिहारी वाजपेयी’. या प्रश्नाला स्पर्धकानेही अचूक उत्तर दिले, त्यानंतर अमिताभ बच्चन यांनी कॅमेऱ्यासमोर पंकज त्रिपाठीचे कौतुक केले. अमिताभ बच्चन म्हणाले की, 'तो आपल्या चित्रपटसृष्टीचा एक सक्षम कलाकार आहे. मी त्यांचे सर्व चित्रपट पाहतो आणि त्यांच्याकडून बरेच काही शिकतो, त्यांची कला खूप चांगली आहे.' अमिताभ बच्चन यांच्याकडून पंकज त्रिपाठीची स्तुती ऐकल्यानंतर केबीसीच्या मंचावर उपस्थित प्रेक्षक भारावून गेले.

पंकज त्रिपाठी - KBC

2021 मध्ये पंकज त्रिपाठी आणि अभिनेता प्रतीक गांधी यांनी अमिताभ बच्चन यांच्या 'कौन बनेगा करोडपती'मध्ये पाहुणे म्हणून भाग घेतला होता. या जोडीने संपूर्ण २५ लाख रुपये जिंकले होते.