मुंबई: आलिया भट (Alia Bhatt)तिच्या अभिनयामुळे आणि फॅशन सेन्समुळे नेहमीच चर्चेत असते. आलियाने २०२० मध्ये लहान मुलांचा कपड्यांचा ब्रँड लाँच केला होता. आता आलिया मॅटर्निटी कपड्यांचा ब्रँड लाँच करणार आहे. आलियाने इंस्टाग्रामवर पोस्ट शेअर करत ही माहिती दिली आहे. आलियाला तिच्या चाहत्यांनी आणि सेलिब्रिटी कलाकारांनीही यानिमित्त शुभेच्छा दिल्या आहेत.

आलियाने पोस्ट मध्ये लिहिले आहे की, "जेव्हा मी लहान मुलांच्या कपड्यांचा ब्रँड लाँच केला होता तेव्हा लोकांनी मला प्रश्न केला होता की मुलं नसतानाही मी लहान मुलांच्या कपड्यांचा ब्रँड का लाँच करत आहे? परंतु आता मी मॅटर्निटी वेअर लाँच करताना कोणी मला याचे कारण विचारेल असे मला वाटत नाही, तरीही मी लोकांना सांगू इच्छिते."

तसेच पुढे आलिया बोलते, "मला कधीही मॅटर्निटी वेअर विकत घेतले नव्हते, परंतु या परिस्थितून जाताना मला बराच त्रास होत आहे. गरोदरपणात तुम्हला माहित नसते की तुम्ही येणाऱ्या महिन्यात कशा दिसणार आहेत किंवा तुम्ही काय अनुभवणार आहात आणि अशा वेळी योग्य कपडे न मिळणे सुद्धा तणावयुक्त असू शकते. या परिस्थितीत तुम्ही विचार करता की काय घालू, काय विकत घेऊ? आपल्या नेहमीच्या कपड्यांचा ब्रँडची मोठी साईझ घेऊया की दुसऱ्या ब्रँडचे कपडे घेऊया."

ती पुढे म्हणाली, "मी अनेकवेळा पती रणबीर कपूरचे कपडे घालण्याचा विचार केला, मग मला वाटले की याची गरज नाही. माझे शरीर बदलत आहे तर त्याची स्टाईल पण बदलूया. मी गरोदरपणात माझी स्टाईल बदलली नाही. मी माझ्याकडे असलेल्या कपड्यांमध्ये थोडे बदल करून त्यांना मी बंप- फ्रेंडली स्टायलिश बनवले आहे."