बॉलिवूड अभिनेत्री आलिया भट्टने (Alia Bhatt ) 'कान्स फिल्म फेस्टीव्हल 2025'मध्ये (Cannes Film Festival 2025) दमदार एन्ट्री घेतली. तिच्या लूकने सर्वांचे लक्ष वेधून घेतले आहे. तिचे फोटो आणि व्हिडीओ सोशल मीडियावर तुफान व्हायरल होत आहेत. 'कान्स'मधील आलियाच्या हटके लूकमुळे तिच्या प्रेग्नंसीच्या चर्चांना उधाण आले आहे. नेटकऱ्यांनी 'कान्स' मधील आलियाचा दुसरा लूक पाहून आलिया गरोदर असल्याचे बोले जात आहे. आलियाने तिच्या 'कान्स'मधील लूकचा व्हिडीओ सोशल मीडियावर शेअर केला आहे.

आलिया भट्टने 'कान्स'मध्ये दुसऱ्या लूकसाठी नेव्ही ब्लू रंगाचा शिमरी गाऊन परिधान केला. त्यावर निळ्या रंगाचे डायमंड पाहायला मिळाले. आलियाच्या या लूकने सर्वांचे लक्ष वेधून घेतले आहे. ड्रेसवरील चमकत्या स्टोन्समुळे आलियाचा लूक खुलला आहे. या ड्रेसमध्ये आलिया पोज देत होती. त्यावरून सर्वत्र ती प्रेग्नेंट असल्याची चर्चा सुरू झाली आहे. आलियाच्या फोटो आणि व्हिडीओमध्ये तिचा छोटा बेबी बंप दिसत आहे. आता आलिया-रणबीर पुन्हा आई-बाबा होणार असल्याची चर्चा सोशल मीडियावरवर रंगली आहे.

आलिया आणि रणबीरनं मात्र याबाबत कोणतीही अधिकृत घोषणा केली नाही. पण चाहते आलिया-रणबीरसाठी खूप आनंदी आहेत. तसेच आलियाच्या दुसऱ्या प्रेग्नंसीसाठी उत्सुक आहेत. आलियाच्या 'कान्स'मधील दुसऱ्या लूकवर चाहत्यांकडून कमेंट्सचा वर्षाव होत आहे. काही लोक तिच्या लूकचे कौतुक करत आहेत. तर काही लोकांनी तिच्या या लूकवर नाराजी व्यक्त केली आहे.

आलिया आणि रणबीरचा लवकरच नवीन चित्रपट 'लव्ह अँड वॉर' प्रेक्षकांच्या भेटीला येणार आहे. या चित्रपटात आलिया आणि रणबीरसोबत बॉलिवूडचा सुपरस्टार विकी कौशल देखील पाहायला मिळणार आहे. सध्या हे तिघं देखील चित्रपटाच्या शूटिंगमध्ये व्यस्त आहेत. 'लव्ह अँड वॉर' चित्रपट दिग्दर्शक संजय लीला भन्साळी यांचा आहे. चाहते या चित्रपटासाठी खूपच उत्सुक आहेत.