Akshay Kumar : बॉलिवूड अभिनेता खिलाडी अक्षय कुमारने मुंबईतील बोरिवली येथील त्याचे आणखी दोन अपार्टमेंट ६.६ कोटी रुपयांना विकले आहेत. यापैकी एक अपार्टमेंट ५.३५ कोटी रुपयांना विकला गेला आहे. तर दुसरा अपार्टमेंट १.२५ कोटी रुपयांना विकला गेला. रिअल इस्टेट क्षेत्रातील कंपनी स्क्वेअर यार्ड्सच्या मते, हे अपार्टमेंट ओबेरॉय स्काय सिटीमध्ये आहेत. दोन्ही घरांचे व्यवहार मार्च २०२५ मध्ये नोंदणीकृत झाले.

५.३५ कोटी रुपयांना विकलेला अपार्टमेंट

नोंदणी महानिरीक्षक (IGR) च्या वेबसाइटनुसार, ५.३५ कोटी रुपयांना विकले गेलेले अपार्टमेंट अक्षयने नोव्हेंबर २०१७ मध्ये २.८२ कोटी रुपयांना खरेदी केला होता. यामुळे त्याला एकूण ८९ टक्क्यांचा फायदा झाला आहे. या अपार्टमेंटचा कार्पेट एरिया १००.३४ चौरस मीटर (१,०८० चौरस फूट) आहे. यावर ३२.१ लाख रुपये स्टॅम्प ड्युटी आणि ३०,००० रुपये नोंदणी शुल्क आकारले गेले.

अक्षयने त्याचा दुसरा अपार्टमेंट १.२५ कोटी रुपयांना विकला. २०१७ मध्ये ६७.१९ लाख रुपयांना खरेदी करण्यात आले. त्याला एकूण ८६ टक्क्यांचा फायदा झाला आहे. या अपार्टमेंटचा कार्पेट एरिया २३.४५ चौरस मीटर (२५२ चौरस फूट) आहे. या व्यवहारावर ७.५ लाख रुपये स्टॅम्प ड्युटी आणि ३०,००० रुपये नोंदणी शुल्क आकारण्यात आले.

दोन्ही अपार्टमेंट कुठे होते?

ओबेरॉय स्काय सिटी २५ एकरमध्ये पसरलेले आहे. हे अपार्टमेंट ओबेरॉय रिअ‍ॅलिटीमध्ये आहेत. यामध्ये ३ बीएचके, ३ बीएचके+स्टुडिओ आणि डुप्लेक्स अपार्टमेंट्ससारखे रेडी-टू-मूव्ह-इन घर उपलब्ध आहेत. मे २०२४ मध्ये बॉलिवूड अभिनेते अमिताभ बच्चन आणि अभिषेक बच्चन यांनीही ओबेरॉय स्काय सिटीमध्ये अनेक मालमत्ता खरेदी केल्या.