Ahmedabad Plane Crash: १२ जून रोजी दुपारी, लंडन गॅटविकला जाणारे एअर इंडियाचे बोईंग ७८७ ड्रीमलाइनर अहमदाबादहून उड्डाण केल्यानंतर काही क्षणांतच क्रॅश झाले. विमानात असलेल्या २४२ जणांपैकी फक्त एक प्रवासी बचावला.

त्या दिवशी सकाळी, गुजरातमध्येही लोकप्रिय असलेल्या मिड-डे वृत्तपत्राने त्यांच्या पहिल्या पानावर किडझानियाच्या आगामी फादर्स डे वीकेंड कार्यक्रमाचा प्रचार करणारी एक मोठी जाहिरात छापली. किडझानिया, ४-१६ वयोगटातील मुलांसाठी डिझाइन केलेले एक इनडोअर लघु शहर आहे. यामध्ये लहान मुलांना पायलट, डॉक्टर, शेफ आणि इंजिनियर यांसारख्या व्यवसायिकांबद्दल शिकवले जाते.

जाहिरातीमध्ये एक कार्टून शहराचे दृश्य दाखवण्यात आले आहे. यामध्ये एक प्रमुख ब्रँडेड एअर इंडिया विमान इमारती बाहेर डोलावलेले दिसत आहे. हे दृश्य ड्रीमलाइनर अहमदाबाद मेडिकल कॉलेजच्या वसतिगृहात कोसळले आणि पाच जणांचा मृत्यू झाल्याचे वास्तविक दुर्घटनेचे भयानक प्रतिध्वनी करताना दिसत आहे. पण, जाहिराती मधील विमान देखील एअर इंडीयाचं असल्यामुळे चर्चेला उधाण आलं आहे.

काल झालेला अपघात आणि ही जाहिरात पाहून नेटकरी ही "सिम्पसनची भविष्यवाणी" होती का? असा सवाल करत आहेत. एका नेटकाऱ्याने लिहिले, ही काही गूढ दूरदृष्टी तर नव्हती तर एका नेटकाऱ्याने "विचित्र योगायोग" अशी कमेंट केली.