बिग बॉस (Bigg Boss) फेम अभिनेत्री वीणा जगताप सध्या 'सावळ्याची जणू सावली' या मालिकेत काम करत आहे. यात तिने खलनायिकेची भूमिका साकारली आहे. तिच्या या भूमिकेला प्रेक्षकांची खूप पसंती मिळत आहे. अभिनेत्री वीणा जगताप ही बिग बॉस मराठी 2 मध्ये पाहायला मिळाली आहे.

एका मिडिया मुलाखतीत तिने बिग बॉस नंतरच्या ट्रोलिंगचा एक किस्सा सांगितला आहे. मुलाखतीत विणाला विचारण्यात आले की, "बिग बॉसनंतर तू कौतुक आणि टीकांना कशी सामोरी गेली. यावर वीणाने सांगितले की, बिग बॉसनंतर खरी लोकप्रियता काय असते हे समजले. मात्र तेवढेच ट्रोलिंगला देखील सामोरे जावे लागते. मी ट्रोलिंगला नेहमी खेळाडू वृत्तीने घेतलं. काही लोक एक लाइन क्रॉस करून बोलतात."

पुढे वीणा (Veena Jagtap ) बोली म्हणाली की, "मला तर एका फॅन पेजने तू मरत का नाहीस? असा मेसेज केला. हाच मेसेज माझ्या आईलाही करण्यात आला. मात्र असे कोणाला बोलू नये. २००९ मध्ये माझे वडील गेले तेव्हा पासून आईने खूप संघर्ष करून आम्हाला मोठे केले आहे. जेव्ही मी स्वतःसाठी ही फिल्ड निवडली तेव्हा आई बोली होती की, जॉब कर ना, महिन्याला एक ठराविक रक्कम हातात येईल. या सर्वानंतर तिला जर तुमची मुलगी मरत का नाही असे विचारल्यावर तिचे काय होत असेल. पण मी मात्र या सर्व गोष्टी खेळाडू वृत्तीने घेतल्या. तेव्हा माझं ऐवढचं होत की मला ट्रोल करू नका."

शेवटी वीणा म्हणाली की, बिग बॉसमध्ये माझ्याकडून काही चुका झाल्या होत्या. म्हणून मला लोकांनी ट्रोल केलं. तसेच चांगल्यासाठी कौतुकही केलं.