मुंबई: टीव्ही मालिका (Program) आणि साऊथ सिनेमांमध्ये (Movie) आपल्या अभिनयाने प्रेक्षकांची मने जिंकणारी प्रसिद्ध अभिनेत्री हंसिका मोटवानी हिच्याविषयीची एक बातमी समोर आली आहे. अभिनेत्रीने आता लग्न करण्याचा निर्णय घेतला आहे. हंसिका मोटवानी या वर्षाच्या शेवटी लग्नबंधनात अडकणार आहे. ती डिसेंबरमध्ये जयपूरच्या 450 वर्ष जुन्या किल्ल्यात लग्न करणार आहे, ज्याची तयारी हंसिका मोटवानीने सुरू केली आहे.

सध्या अभिनेत्री तिच्या लग्नाची तयारी करण्यात व्यस्त आहे. जयपूर येथील मुंडोटा किल्ल्यावर शाही पद्धतीने तिचे लग्न पार पडणार आहे. तिच्या लग्नात कुटुंबाव्यतिरिक्त जवळचे मित्र सहभागी होणार आहेत. मात्र, हंसिका मोटवानी (Hansika Motwani) कोणाबरोबर लग्न करणार आहे, याबाबत कोणताही खुलासा केलेला नाही. अभिनेत्रीकडून लग्नाबाबत कोणतेही अधिकृत वक्तव्य आलेले नाही.

हंसिका मोटवानीने बाल कलाकार म्हणून सिनेसृष्टीत पदार्पण केलं होतं. तिने टीव्हीवरील प्रसिद्ध मालिका 'शाका लाका बूम बूम', 'क्यूंकी सास भी कभी बहू थी' आणि 'सोन परी' यासह इतर अनेक मालिकांमध्ये काम केले आहे. हंसिका मोटवानीने हृतिक रोशनच्या 'कोई मिल गया' या चित्रपटात बाल कलाकार म्हणूनही काम केले आहे. याशिवाय 'आपका सुरुर' आणि 'मनी है तो हनी है' या बॉलिवूड (Bollywood) चित्रपटांमध्ये सुद्धा काम केले आहे. हंसिका मोटवानी दक्षिण चित्रपटसृष्टीत सुद्धा काम केले आहे. तिने दक्षिणेतील अनेक बड्या कलाकारांसोबत आपले अभिनय कौशल्य दाखवले आहे.