Actress Bela Bose Passed Away: चित्रपट सृष्टीतील प्रसिद्ध अभिनेत्री आणि नृत्यांगना बेला बोस यांचे निधन झाले आहे. वयाच्या ७९ व्या अभिनेत्रीने जगाचा निरोप घेतला आहे. काल २० फेब्रुवारी रोजी बेला बोस यांनी सेहवातच आश्वास घेतला.

बेला बोस यांच्या जाण्याने सर्व चित्रपट सृष्टीवर शोक पसरला आहे. अचानक झालेल्या बेला यांच्या मृत्युने सगळेच दुःखी आहेत.

बेला बोस यांनी त्यांच्या करिअरमध्ये अनेक चित्रपटांमध्ये कामी केले आहे. १९७५ चित्रपट 'जय संतोषी माँ'साठी त्या ओळखल्या जातात. त्याचा हा चित्रपट प्रेक्षकांनी डोक्यावर घेतला होता.

बेला बोस यांचा जन्म कोलकाता येथे झाला होता. पण त्यांचे कुटुंबीय काही कारणास्तव मुंबईमध्ये शिफ्ट झाले होते. बेला या अभिनयासह नृत्यातही पारंगत होत्या. त्यांनी शास्त्रीय मणिपुरी नृत्याचे प्रशिक्षण घेतले होते.

१९६२ साली बेला यांनी गुरु दत्त यांच्या 'सौतेला भाई' या चित्रपटामधून लीड अभिनेत्री म्ह्णून पदार्पण केले. त्यानंतर त्यांनी एकापेक्षा एक हिट चित्रपटांमध्ये काम केले. त्यांनी हिंदी आणि त्यांच्या रिजनल भाषेसह २०० पेक्षा जास्त चित्रपटांमध्ये काम आहे. चित्रपटांसह बेला यांनो बंगाली नाटकांमध्येही काम केले आहे.

१९६७मध्ये त्यांचे लग्न अभिनेते अशीश कुमार यांच्याशी झाले. लग्नानंतर त्या हळुहळू चित्रपटांपासून दूर झाल्या. अभिनय आणि डान्सशिवाय त्यांना कविता करण्याची देखील आवड होती. तसेच त्या पेंटिंग देखील करायच्या.