आई कुठे काय करते ही मालिका महाराष्ट्राच्या घराघरात पाहिली जाते. या मालिकेचा टीआरपी देखील हाय आहे. मालिकेत अनेक ट्विस्ट अँड टर्न्स पाहायला मिळत आहेत. ईशा - अनिशच्या लग्नानंतर मालिकेत काय नवीन पाहायला मिळणार यासाठी प्रेक्षक उत्सुक आहेत.
आई कुठे काय करते ही मालिकांचे नवीन प्रोमो नुकताच प्रदर्शित झाला आहे. या प्रोमोमध्ये देशमुखांच्या घरी दहीहंडीचा उत्साह पाहायला मिळत आहे. या उत्साहात सगळेच सहभागी झाले आहेत.
आई कुठे काय करतेच्या प्रोमोची सुरुवात 'बजरंग बली की जय'ने होते. मुलांची आणि मुलींची अशा दोन टीम हंडी फोडण्यासाठी सज्ज असतात. यश ढोल वाजवत असतो आणि निखिल कृष्ण बनलेला असतो. मुलींची टीम हंडी फोडण्यासाठी थर रचतात. संजना हंडी फोडण्यासाठी वरच्या थरावर जाते. इतक्यात तिची नजर अनिरुद्धंवर जाते. ती हंडी फोडायची सोडून स्तब्ध होते आणि विचार करू लागते. तेवढ्यात खालचे थर कोसळतात आणि संजना खाली पडते.
संजना खाली कोसळून जमिनीवर पडते. इतकाच नाही तर ती बेशुद्ध होते. सगळे घाबरतात आणि तिच्या जवळ गोळा होऊन तिला उठविण्याचा प्रयत्न करतात. अनिरुद्ध मात्र दुरून हे सगळं पाहत असतो आणि मजा घेत असतो. (Latest Entertainment News)
'आई कुठे काय करतो'मध्ये काय सुरू आहे
दहीहंडीनिमित्त इशा, निखिल आणि अरुंधती देशमुखांच्या घरी येतात. निखिल एक पत्र अरुंधतीला देतो. हे पत्र निखिलला गायत्रीने दिलेले असत. शेखर, गायत्रीशी लग्न करणार आहे. आई - बाबांकडे राहता येणार यासाठी निखिल खूप आनंदी असतो. मात्र संजना याने दुखावली जाते. निखिल तिच्यापासून दार जाणार अशी भीती तिला वाटते.
अनिरुद्ध, संजनाला तू एकटी पडली असे हिणवतो. अरुंधती संजनाची समजूत काढते आणि सांगते निखिलचं तिच्यावर खूप प्रेम आहे. संजनाला अरुंधतीचं म्हणणं पटतं.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.