Taarak Mehta Ka Ooltah Chashmah | मुंबई : टीव्हीवरील प्रसिद्ध विनोदी मालिका 'तारक मेहता का उल्टा चष्मा' (Taarak Mehta Ka Ooltah Chashmah )मध्ये नेहमी काही ना काही मजेदार घडामोडी घडत असतात. यामुळे चाहतेही एपिसोड बघताना अगदी लोटपोट हसतात. गोकुळधाम सोसायटीचे एकमेव सेक्रेटरी श्री आत्माराम तुकाराम भिडे यांच्या कुटुंबासाठी फार वर्षानंतर आनंदाचा क्षण आला आहे.

तारक मेहता का उल्टा चष्मामध्ये गोकुळधाम सोसायटीतील सदस्य आनंदाने नाचत आहेत. बऱ्याच दिवसांनी भिडे कुटुंबात जल्लोषाचे वातावरण आहे. ही आनंदाची बातमी कळताच सोसायटीतील सदस्य आनंद साजरा करत आहेत. पण माधवी आणि भिडे यांचे चेहरे का उतरले आहेत? भिडे कुटुंबीय ज्या क्षणाची वाट पाहत होते, तो क्षण समोर आहे, पण तरीही कोणीही आनंदी का दिसत नाही? नक्की प्रकरण काय आहे? असे प्रश्न उपस्थित होत आहेत.

त्याचे असे झाले की, भिडेने नवीन कार घेण्याचे ठरवले, तेव्हा तो सरळ सोढीकडे गेला आणि सोढीने भिडेला सेकंड हँड कार घेण्यासाठी नेले. तिथे भिडेलाही एक कार आवडली आणि सौदा झाला. मात्र, गोलीला संशय आल्याने तो पिंकूसोबत त्यांचा पाठलाग करतो आणि त्याला भिडे गाडी घेत असल्याचे समजते. मात्र भिडे, माधवी आणि सोनूला सरप्राइज देण्यासाठी गाडी घेण्याची बाब सर्वांपासून लपवली जाते. पण सोसायटीत आल्यानंतर लहान गोली पोपटलाल, अय्यर, डॉ. हाथी आणि जेठालाल यांना ही गोष्ट सांगतो, त्यामुळे आता त्यांनाही भिडेंच्या सरप्राइजची गोष्ट कळली आहे.

आता येणारा भाग खूप मजेदार असणार आहे. कारण गाडी गोकुळधाम सोसायटीत आल्याचे पाहून भिडे आणि माधवीचा चेहरा हिरमुसला आहे, हे दोघेच नाही तर सोढीही गाडी पाहून आश्चर्यचकित झाला आहे. गोकुळधामचे लोक आनंदोत्सवात मग्न असताना, भिडे, माधवी आणि सोढी यांना गाडी पाहून आनंद का होत नाही? हा प्रश्न आहे. यामागे नक्की काय प्रकरण आहे, हे येत्या एपिसोडमध्येच कळेल.