- अजय दुधाणे / संजय राठाेड

Ulhasnagar News :

उल्हासनगर रेल्वे स्टेशन जवळ एका वडापाव विक्रेत्यावर जीवघेणा हल्ला झाल्याची धक्कादायक घटना समोर आली आहे. पैशाच्या कारणावारुन एका युवकाने वडा पाव विक्रेत्यावर चाकूने हल्ला केल्याची प्राथमिक माहिती पाेलिसांनी दिली. या घटनेचा तपास सुरु असल्याचे पाेलिसांनी सांगितले. (Maharashtra News)

पाेलिसांनी दिलेल्या माहितीनूसार रमेश गुप्ता असे जखमी वडापाव विक्रेत्याचे नाव आहे. गुप्ता यास उल्हासनगरच्या मध्यवर्ती रुग्णालयात दाखल करण्यात आले आहे. या प्रकरणी विठ्ठलवाडी पोलीस तपास करीत आहेत.

गुप्ता यांच्यावर हल्ला करणारा युवक हा उल्हासनगर रेल्वे स्थानकावर असलेल्या स्कायवॉक येथे मादक पदार्थांची नशा करत असतो अशी माहिती समोर आली आहे. गुप्ता यास युवकाने पैसे मागितले हाेते. त्याने पैसे नकार दिल्याने युवकाने त्यास भाेसकल्याची माहिती समजत आहे. या प्रकरणी विठ्ठलवाडी पोलीस तपास करीत आहेत.

यवतमाळच्या शासकीय गाेदामात चाेरी

यवतमाळ जिल्हा परिषदेच्या आवारात असलेल्या कार्यशाळेचे गोदाम पडून चोरट्यांनी चार लाखांचा मुद्देमाल लंपास केला. या घटनेनंतर स्थानिक गुन्हे शाखा पथकाने गोपनीय माहिती काढून आरोपींचा शोध सुरू केला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

तब्बल आठ जणांच्या टोळीने हा ऐवज लंपास केल्याचे समाेर आले आहे. या सर्वांना पाेलिसांनी अटक केली. त्यांच्याकडून वाहनांसह 11 लाख रुपयांचा मुद्देमाल जप्त करण्यात आला आहे.

Edited By : Siddharth Latkar