संजय राठोड| यवतमाळ, ६ जून २०२४

चाकूने वार करुन तरुणाची हत्या करण्यात आल्याची धक्कादायक घटना यवतमाळ जिल्ह्यात घडली. यवतमाळ जिल्ह्यातील राळेगाव येथे घडलेल्या या घटनेने सर्वत्र खळबळ उडाली असून पोलीस या प्रकरणाचा अधिक तपास करत आहेत.

याबाबत सविस्तर माहिती अशी की, धारदार शस्त्राने सहा ते सात वार करून तरुणाची हत्या केल्याची घटना यवतमाळच्या राळेगाव येथील बस स्थानकासमोर घडली. छोटू ओंकार असे मृतकाचे नाव असून पुर्ववैमनस्यातून ही हत्या झाल्याचे सांगण्यात येत आहे. मृत तरुण छोटू ओंकार बसस्थानकासमोरील मोबाईल शॉप जवळून जात असताना अज्ञात आरोपीने चाकूने मानेवर आणि पोटावर वार केले.

या हल्ल्यात छोटू ओंकार याचा घटनास्थळीच मृत्यू झाला. याबाबतची माहिती मिळताच पोलीस तसेच स्थानिकांनी घटनास्थळी धाव घेतली. पैशाच्या वादातून ही हत्या करण्यात आल्याचे बोलल्या जात आहे. पुढील तपास राळेगांव पोलीस तपास करीत आहे. भरवस्तीत झालेल्या हत्येने परिसरात खळबळ उडाली आहे.

छत्रपती संभाजीनगर जिल्ह्यातील संभाजीनगर पुणे महामार्गावरील भेंडाळा शिवारात बंद पडलेल्या हॉटेलमध्ये सुरू असलेल्या अवैध गॅस रिफिलिंगच्या अड्ड्यावर पोलिसांनी छापा मारला. या छापेमारीत पोलिसांनी 4 टँकर, 75 गॅस टाकीसह रिफिलिंग चे साहित्य असा एकूण 1 कोटी 34 लाख रुपयांचा मुद्देमाल जप्त केला आहे. तसेच या प्रकरणी गंगापूर पोलिसांनी एकूण 8 जणांना ताब्यात घेतले आहे.