उत्तर प्रदेशच्या शामली जिल्ह्यात धक्कदायक घटना घडली आहे. प्रेमसंबंध आणि मोबाईलवर बोलण्याच्या संशयावरून जन्मदात्याने स्वतःच्या १७ वर्षीय मुलीला गोळी घालून ठार मारल्याची घटना उघड झाली आहे. या घटनेत मुलीच्या सख्ख्या भावाचाही सहभाग असल्याचे पोलिसांनी सांगितले आहे. दरम्यान या घटनेने जिल्ह्यात भीतीचे वातावरण पसरले आहे.

मिळालेल्या माहितीनुसार, उत्तर प्रदेशच्या कांधला पोलीस ठाण्याच्या हद्दीतील अंबेठा गावात शनिवारी संध्याकाळच्या सुमारास गावकऱ्यांनी अचानक गोळीबाराचा आवाज ऐकला. या आवाजाने गावकऱ्यांमध्ये भीतीचं वातावरण पसरलं आहे. काही क्षणातच गावकऱ्यांमध्ये बातमी पसरली की, एका वडिलांनी आपल्या अल्पवयीन मुलीची हत्या केली आहे.

१७ वर्षीय सना प्रेमसंबंधात होती. ती सतत फोनवर बोल्ट असल्याने कुटुंबीयांना तिच्या मोबाईलवर तासनतास बोलण्याचा संशय आला होता. या कारणावरून घरात अनेकदा वाद झाले होते. अखेर शनिवारी वडिलांनी आणि भावाने खोटं सांगून सनाला घराच्या छतावर नेले. छतावर नेताच तिच्यावर गोळी झाडली. गोळी लागल्याने सनाचा जागीच मृत्यू झाला.

घडलेल्या घटनेची माहिती मिळताच जिल्हा पोलिस अधीक्षक स्वतः घटनास्थळी पोचले. फॉरेन्सिक पथकाच्या मदतीने त्यांनी तपास सुरू केला. पोलिसांनी आरोपी वडिलांना आणि भावाला ताब्यात घेतले असून चौकशी सुरु केली आहे. सनाचा मृतदेह पंचनामा करून पोस्टमार्टमसाठी पाठवण्यात आले आहे.

एसपी नरेंद्र प्रताप सिंह यांनी सांगितले की, “ही प्रकरण अत्यंत क्रूर आणि अमानवी आहे. वडिलांनी आणि मुलाने मिळून केवळ संशयावरून आपल्या मुलीचा जीव घेतला. पीडितेचा एकमेव गुन्हा म्हणजे तिचे एकावर प्रेम जडले होते. पोलिसांनी या प्रकरणात खून आणि शस्त्र कायद्याअंतर्गत गुन्हा दाखल करून दोघांवर कठोर कारवाई करण्याचे आश्वासन दिले आहे. गावकऱ्यांच्या म्हणण्यानुसार सना ही अभ्यासू आणि शांत स्वभावाची होती. मात्र कौटुंबिक मानहानीच्या भीतीने तिच्या वडिलांनी टोकाचा निर्णय घेतला. या घटनेने पुन्हा एकदा 'ऑनर किलिंग'चा काळा चेहरा समोर आला असून समाजात संतापाची लाट पसरली आहे.