UP Crime: उत्तर प्रदेशच्या अमरोहामध्ये एक धक्कादायक घटना घडली आहे. या गावामध्ये एका माथेफिरु बॉयफ्रेंडने त्याच्या गर्लफ्रेंडचा गळा दाबून मारण्याचा प्रयत्न केला. रस्त्यावरुन जाणाऱ्या विद्यार्थ्यांनी त्या तरुणीचा जीव वाचवला. हल्ला झाल्यानंतर तरुणी बेशुद्ध पडली. त्यानंतर तिला रुग्णालयामध्ये दाखल करण्यात आले. पोलिसांनी माथेफिरु तरुणाविरोधात गुन्हा दाखल केल्याची प्राथमिक माहिती समोर आली आहे.

मिळालेल्या माहितीनुसार, बेशुद्ध पडलेली तरुणी आणि तिचा बॉयफ्रेंड मागील चार वर्षांपासून एकत्र आहेत. दुसऱ्या मुलांशी मैत्री केल्याने बॉयफ्रेंडने हा जीवघेणा हल्ला केला असा अंदाज वर्तवला जात आहे. घटनेची माहिती मिळताच पोलीस रुग्णालयात पोहोचले. त्यांनी तरुणीच्या बॉयफ्रेंडविरोधात गुन्हा दाखल केला आहे. स्थानिक पोलीस माथेफिरु बॉयफ्रेंडचा शोध घेत आहेत.

उत्तर प्रदेशमधील या घटनेचा व्हिडीओ सोशल मीडियावर व्हायरल होत आहे. व्हिडीओ पाहून माथेफिरु तरुण रस्त्यावर तरुणीचा ओढणीने गळा दाबण्याचा प्रयत्न करत असल्याचे स्पष्ट होते. आसपासचे लोक त्या तरुणीला सोडवून तरुणाला मारहाण करत आहेत. व्हिडीओच्या शेवटी तरुणी रस्त्याच्या कडेला बेशुद्ध पडल्याचेही दिसते.

या घटनेचा व्हिडीओ सोशल मीडियावर व्हायरल होत आहे. व्हिडीओ पाहून माथेफिरु तरुण रस्त्यावर तरुणीचा ओढणीने गळा दाबण्याचा प्रयत्न करत असल्याचे स्पष्ट होते. आसपासचे लोक त्या तरुणीला सोडवून तरुणाला मारहाण करत आहेत. व्हिडीओच्या शेवटी तरुणी रस्त्याच्या कडेला बेशुद्ध पडल्याचेही दिसते.