Hingoli News :

हिंगोलीच्या सेनगाव शहरात राष्ट्रपतींच्या हस्ते आदर्श शिक्षक पुरस्कार मिळालेल्या शिक्षकावर धारदार कोयत्याने जीवघेणा हल्ला झाल्याची धक्कादायक घटना घडली आहे. मारुती कोटकर असे या हल्ला झालेल्या शिक्षकाचे नाव आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या घटनेनंतर कोटकर यांना रुग्णालयात दाखल करण्यात आले. दरम्यान त्यांची प्रकृती चिंताजनक असल्याची माहिती उपचार करणाऱ्या डॉक्टरांनी दिली. या घटनेनंतर हल्लेखोर पसार झाले. (Maharashtra News)

पोलिसांनी दिलेल्या माहितीनूसार हल्लेखोरांनी पाळत ठेवून दुचाकीवर येत शिक्षकावर हल्ला केल्याची प्राथमिक माहिती उपलब्ध झाली आहे. दरम्यान सेनगाव पोलिसांनी या प्रकरणात गुन्हा दाखल केला आहे. संशयिताचा शाेध घेत आहाेत. हा जीवघेणा हल्ला कोणत्या कारणाने झाला याचं कारण अद्याप पुढे आलेले नाही.

Edited By : Siddharth Latkar