pune saam tv
क्राईम

Pune News : वो दोस्त ही क्या! दारू पिण्यावरून दोस्तीत कुस्ती, मित्राने जिवाभावाच्या दोस्ताला संपवलं, त्यानंतर...

Pune Crime : पुण्याच्या उंड्री हांडेवाडी रस्त्यावर मित्राची हत्या करून स्वतःच मारेकऱ्याने पोलिसांना हत्येची माहिती देत गोंधळात टाकले. पोलिसांनी अवघ्या काही तासांत आरोपीला बेड्या ठोकल्या.

Alisha Khedekar

  • पुण्यात मित्रानेच मित्राचा खून करून पोलिसांना खोटी माहिती दिली

  • सीसीटीव्ही तपास आणि रहिवाशांच्या जबाबांमुळे पोलिसांना संशय

  • अवघ्या दोन तासांत पोलिसांनी आरोपीला अटक करत खून उघड केला

  • दारूच्या नशेत झालेल्या वादातून खून, पोलिस तपास सुरू

पुण्यात मैत्रीच्या नात्याला काळीमा फासणारी घटना समोर आली आहे. एका तरुणाची हत्या झाल्यानंतर त्याच्या हत्येची माहिती हत्या करणाऱ्याने पुणे पोलिसांच्या ११२ या टोलफ्री क्रमांकावर दिली. धक्कादायक म्हणजे हत्या झालेल्या तरुणाचा मित्रच त्या खुनामागचा आरोपी निघाला. पुणे पोलिसांनी अवघ्या दोन तासांत तपासाची दिशा बदलत संशयित आरोपीला बेड्या ठोकल्या आहेत.

हत्या झालेल्या तरुणाचे नाव रविकुमार शिवशंकर यादव (वय ३०) असे आहे. रविकुमारच्या मित्रानेच म्हणजेच किसन राजमंगल शहा या व्यक्तीने ११२ क्रमांकावर फोन करत रविकुमार याच्यावर चार अनोळखी इसमांनी मारहाण केली असून तो गंभीर जखमी असल्याची माहिती दिली. या तक्रारीत त्याने सांगितले की, रविकुमारने दुकानातून बेडशीट आणि गादी दिली नसल्याने हा प्रकार घडला.

मात्र, पोलिसांना प्राथमिक तपास सुरू करताच या कथेमध्ये अनेक विसंगती आढळून आल्या. परिसरातील सीसीटीव्ही फुटेजची तपासणी केल्यावर कुठल्याही अनोळखी चार इसमांची हालचाल त्या ठिकाणी आढळली नाही. तसेच, स्थानिक रहिवाशांकडून मिळालेल्या माहितीनुसार पीडित रविकुमार आणि आरोपी किसन शहा यांच्यामध्ये अनेकदा किरकोळ कारणांवरून वाद होत असल्याचं समजलं.

या माहितीच्या आधारे पोलिसांनी किसन शहा याला अधिक चौकशीसाठी ताब्यात घेतले. पोलिसांनी खाकीचा दम दाखवताच त्याने अखेर गुन्ह्याची कबुली दिली. त्याच्या सांगण्यानुसार, दारूच्या नशेत रविकुमारने त्याला शिवीगाळ करत मारहाण केली होती. त्याचा राग मनात धरत किसनने आपल्या मित्राचा खून केल्याचे उघड झाले. ही घटना समोर आल्यानंतर परिसरात खळबळ उडाली आहे. पोलिसांनी किसन शहा याला अटक केली असून पुढील तपास सुरू आहे. मित्रामार्फत दिलेली खोटी माहिती आणि पोलिसांची सतर्कता यामुळे हा गुन्हा लवकर उघड झाला.

ही घटना कुठे घडली?

ही घटना पुण्यातील उंड्री हांडेवाडी रस्त्यावर घडली.

हत्या केलेल्या तरुणाचे नाव काय आहे?

मयत तरुणाचे नाव रविकुमार शिवशंकर यादव (वय ३०) आहे.

आरोपीने पोलिसांना काय माहिती दिली होती?

आरोपी किसन शहा याने पोलिसांच्या ११२ क्रमांकावर फोन करून चार अनोळखी इसमांनी मारहाण केल्याचे खोटे सांगितले.

पोलिसांनी खरा आरोपी कसा शोधून काढला?

पोलिसांनी सीसीटीव्ही फुटेज आणि स्थानिकांची चौकशी करून आरोपीकडून विसंगती उघड केली आणि खाक्या दाखवल्यावर त्याने खूनाची कबुली दिली

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Nanded Flood: नांदेडमध्ये ढगफुटी सदृश्य पावसाने जनजीवन विस्कळीत, रस्ते जलमय|VIDEO

Danny Pandit Viral Video: अथर्व सुदामेनंतर प्रसिद्ध इनफ्ल्युएन्सर डॅनी पंडितच्या रीलची चर्चा; नेटकरी म्हणाले, हा आहे माझा भारत देश

Manoj Jarange Patil Protest Live Updates : मनोज जरांगे पाटील यांच्या उपोषणाला एक तास बाकी

Maharashtra Live News Update: गणेशोत्सवात दूध उत्पादकांना गोकुळकडून खास भेट

LIC पॉलिसीधारकांसाठी इशारा! या छोट्या चुकीमुळे होऊ शकतो मोठा तोटा

SCROLL FOR NEXT