सासूला रुग्णालयात घेऊन गेलेली सून घरी परत आली नाही. रुग्णालयातून ती बॉयफ्रेंडसोबत पळू गेल्याची धक्कादायक घटना बिहारमध्ये घडली. ही घटना बिहारच्या दरभंगा जिल्ह्यातील एका गावामध्ये घडली. या घटनेमुळे खळबळ उडाली. महिलेच्या नवऱ्याने पोलिसात तक्रार दाखल केली. पोलिस या महिलेचा शोध घेत आहेत.

मिळालेल्या माहितीनुसार, दरभंगा जिल्ह्यातल्या एका गावामध्ये राहणारी महिला आपल्या सासूच्या उपचारासाठी तिला घेऊन दरभंगा मेडिकल कॉलेजमध्ये गेली होती. या महिलेच्या सासूवर रुग्णालयात उपचार सुरू होते. याच दरम्यान महिला फरार झाली. महिलेच्या नवऱ्याने केवटी पोलिस ठाण्यात तक्रार दाखल केली. याप्रकरणी महिलेच्या नवऱ्याने गावातील अमरजीत दास याच्यावर आरोप केले आहेत. या व्यक्तीबरोबर आपली बायको पळू गेल्याचा आरोप महिलेच्या नवऱ्याने केला आहे.

१२ मार्चला महिलेच्या सासूची प्रकृती अचानक बिघडली. तिला तात्काळ दरभंगा जिल्हा रुग्णालयात दाखल करण्यात आले. महिला आपल्या सासूची देखभाल करत होती. त्याचवेळी ती २२ मार्चला दुपारी अचानक गायब झाली. महिलेच्या नवऱ्याने शोधाशोध केली पण त्याला बायको काही सापडली नाही. बायकोचा फोन बंद लागत असल्यामुळे नवरा चिंतेत आला.

महिलेच्या नवऱ्याने गावात गेल्यानंतर देखील शोधाशोध केली तर त्याला माहिती मिळाली की केवटी पोलिस ठाण्याच्या हद्दीतील विशनपूर परसा गावातील रहिवासी असलेल्या अजय दास यांचा मुलगा अमरजीत दासने त्याच्या बायकोला फूस लावून पळवून नेलं. त्यानंतर महिलेच्या नवऱ्याने पोलिस ठाण्यात धाव घेत तक्रार दाखल केली. पोलिस या प्रकरणाचा तपास करत महिलेचा शोध घेत आहेत.