सातारा लोकसभा निवडणुकीच्या दिवशी निकालाचा कल उदयनराजे भाेसले यांच्याकडे येताच साता-यातील युवा वर्गात एकच जल्लाेष सुरु झाला. हजाराे युवक गुलालाची उधळण करीत रस्त्यावर आले बघता बघता उदयनराजेंची विजयी रॅली सुरु झाली. त्याचा फायदा उठवत मेढ्याच्या दिशेने गेलेले चाेरटे पुन्हा साता-यात आले. सर्व जण रॅलीत घुसले आणि काहींच्या साेनसाखळ्या लांबवल्या. दरम्यान युवकांच्या साेनसाखऴीवर डल्ला मारणा-या टाेळीला सातारा पाेलिसांनी नुकतीच अटक केली आहे. त्यांच्याकडून 27 लाखांचा मुद्देमाल हस्तगत करण्यात आला आहे.

एसपी समीर शेख यांनी बुधवारी (ता. 26) माध्यमांना याबाबतची माहिती दिली. शेख म्हणाले लाेकसभा निवडणुकीच्या निकालादिवशी काही लाेकांनी गर्दीचा फायदा घेऊन सोन्याच्या साखळ्या चाेरल्या. त्याची नाेंद पाेलिसांत झाली हाेती.

या प्रकरणात सातारा पोलिसांनी बीड आणि नगर येथून 5 जणांच्या टोळीला अटक केली आहे. यामध्ये बाबासाहेब गायकवाड, रामदास सोमनाथ घुले, सचिन पवार,नितीन धोत्रे, अर्जुन मासाळकर यांचा समावेश आहे. या टोळीकडून 20 लाखांच्या साेनसाखळी तसेच 7 लाखांची कार असा 27 लाखांचा मुद्देमाल जप्त केला आहे.

Edited By : Siddharth Latkar