Ulhasnagar Crime News :

उल्हासनगर मध्ये आज (गुरुवार) पहाटे एका युवकाची निर्घृण हत्या झाल्याची घटना समाेर आली आहे. प्राथमिक माहितीनूसार डोळ्यात मिरचीचा स्प्रे मारून युवकास मारहाण करण्यात आली. त्यानंतर त्याच्या डोक्यात कडप्पा लादी घालून त्याची हत्या करण्यात आली. राहुल महेंद्र जयस्वाल (rahul mahendra jaiswal passed away) (वय 25) असे मृत युवकाचे नाव असल्याचे पाेलिसांनी सांगितले. (Maharashtra News)

ही घटना उल्हासनगर कॅम्प क्रमांक तीन भागात असलेल्या इमलीपाडा परिसरात आज पहाटेच्या सुमारास घडली. राहुल जयस्वाल हा इमलीपाडा परिसरात आला हाेता. त्यावेळी काही तरुणांनी त्याला घेरले आणि त्याच्या डोळ्यात मिरची स्प्रे मारून त्याला मारहाण केली.

तरुणांनी त्याच्या डोक्यात कडप्पा लादी घालून त्याची निर्घृण हत्या केली. ही हत्या पूर्ववैमन्यासातून झाली असल्याची चर्चा दबक्या आवाजात हाेऊ लागली आहे. या घटनेने येथील वाल्मीक नगर, इमलीपाडा तसेच फॉरवर्ड परिसरात खळबळ माजली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

घटनास्थळी मध्यवर्ती पोलीस तसेच फॉरेन्सिक टीम पोहोचली असून घटनेचा पंचनामा केला जात आहे. राहुल जयस्वाल याचा मृतदेह उल्हासनगरच्या मध्यवर्ती रुग्णालयात शवविच्छेदनासाठी पाठविण्यात आला आहे. पाेलीस अधिक तपास करीत आहेत.

Edited By : Siddharth Latkar