अक्षय बडवे, साम प्रतिनिधी

बदलापूरमधील घटना ताजी असतानाच पुण्यातील एका शाळेतील धक्कादायक प्रकार समोर आलाय. पुण्यातील भवानी पेठ भागातील नामांकित शाळेत अल्पवयीन मुलीवर अत्याचाराचा प्रयत्न झाल्याची घटना घडलीय. स्वातंत्र्यदिनाच्या दिवशीच हा प्रकार घडल्याने नागरिकांनी संताप व्यक्त केलाय.

मिळालेल्या माहितीनुसार,पुण्यातील भवानी पेठेत हे एक नामांकित शाळा आहे. स्वातंत्र्यदिनाच्या दिवशी पीडित मुलगी शाळेत तिची स्कूल बॅग शोधण्यासाठी गेली होती. यावेळी आरोपी तरुण हा मुलांच्या स्वच्छतागृहाजवळ थांबला होता. पीडित मुलगी जवळ येताच आरोपीने तिचा हात पकडत तिला जबरदस्तीने स्वच्छतागृहात ओढत घेऊन गेला.

यावेळी आरोपीने तिच्या मनाला लज्जा उत्पन्न होईल, असे कृत्य केले. मात्र पीडित अल्पवयीन मुलीने आपली सुटका करून घेत पळ काढला. घरी केल्यानंतर तिने आईला हा संपूर्ण प्रकार सांगितला. त्यानंतर समर्थ पोलीस ठाण्यात या प्रकरणी गुन्हा दाखल करण्यात आलाय.