- संजय राठोड

Yavatmal Crime News :

यवतमाळ जिल्ह्यात एका कोंबड बाजारावर पाेलिसांनी धाड टाकली. या कारवाईत पाेलिसांनी 5 लाख 90 हजार रुपयांच्या मुद्देमाल जप्त केला. पाेलिसांनी 11 जणांना ताब्यात घेतले असून त्यांच्यावर गुन्हा दाखल करण्यात आला आहे. (Maharashtra News)

यवतमाळ जिल्ह्यातील दिग्रस तालुक्यातील आरंभी व शिवणी शेत शिवारात कोंबड बाजार सुरू असल्याची माहिती पोलिसांना मिळाली. या माहितीच्या आधारे दारव्हा येथील वरिष्ठ पाेलिस अधिकारी यांच्या पथकाने घटनास्थळी धाड टाकली.

पाेलिस आल्याने अनेकांची धांदल उडाली. पाेलिसांनी 11 जणांना ताब्यात घेतले. या कारवाईत 5 लाख 90 हजारांचा मुद्देमाल पाेलिसांनी जप्त केला. यात लढाईच्या कोंबड्यांचं दहा दुचाकीचा समावेश आहेत. दरम्यान पोलिसांची धाड पडताच कोंबड बाजार शौकीनांनी तेथून पळ काढला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पाटणबोरीतून गांजा जप्त

यवतमाळच्या स्थानिक गुन्हे शाखेच्या पथकाने (yavatmal local crime branch) रात्री पेट्रोलिंग करत असताना पाटणबोरी येथील शिवाजी चौक परिसरात एका संशयितांच्या घरी धाड टाकली. यात पोलिसांच्या हाती साडेपाच किलो गांजा हाती लागला. हा गांजा विक्रीसाठी आणणाऱ्या तस्करालाही पोलिसांनी ताब्यात घेतले. गंगाधर पत्रीवार असे अटक केलेल्या आरोपीचे नाव असल्याची माहिती पाेलिसांनी दिली.

Edited By : Siddharth Latkar