Lonavala :

अश्लील व नग्न चित्रीकरणास तसेच पॉर्न प्रसारणास बंदी असल्याचे माहिती असताना देखील स्वतःच्या आर्थिक फायदयासाठी संगनमताने अश्लील चित्रफित बनविणाऱ्या 15 जणांसह त्यांना बंगला भाड्याने देणाऱ्या तिघांवर लोणावळा ग्रामीण पोलिसांनी गुन्हा नाेंदविला आहे. या प्रकरणी पाेलिसांनी युवकांना अटक केली आहे. (Maharashtra News)

लोणावळा ग्रामीण पोलीस उपनिरीक्षक भारत भोसले यांनी याबाबत तक्रार नाेंदवली आहे. या तक्रारीत शुक्रवारी (ता. 29 मार्च) सायंकाळी पाच वाजण्याच्या पूर्वी लोणावळ्यातील मळवली पाटण गावच्या हद्दीत असलेल्या एका बंगल्यात अश्लील चित्रीकरण करण्यात आल्याचे नमूद करण्यात आले आहे.

लोणावळा ग्रामीण पोलिसांनी या प्रकरणात काही युवकांना अटक केली आहे. या प्रकरणाचा तपास लोणावळा ग्रामीण वरिष्ठ पोलिस निरीक्षक किशोर धुमाळ आणि त्यांचे सहकारी कर्मचारी करत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar