- रणजीत माजगावकर

कोल्हापूर जिल्ह्यातील गुन्हेगारी रोखण्यासाठी गंभीर गुन्हे दाखल असलेल्या टोळ्यांवर जिल्हा पोलिस अधीक्षक कार्यालयाकडून कारवाई सुरू करण्यात आलेली आहे. कोल्हापूर पाेलिसांनी गुंड संजय तेलनाडे याच्यासह सात जणांवर हद्दपारीचा कारवाई केली आहे. ही कारवाई इचलकरंजीच्या एस.टी. सरकार गॅंगवर झाल्याने गुन्हेगारी क्षेत्रात एकच खळबळ उडाली आहे.

इचलकरंजी येथील गावभाग पोलिसांनी हद्दपारीच्या सादर केलेल्या प्रस्तावाला काेल्हापूर जिल्हा पोलिस अधीक्षक महेंद्र पंडित यांनी मान्यता दिली. यामध्ये एस.टी. सरकार गॅंगचा प्रमुख आणि माजी नगरसेवक संजय शंकर तेलनाडे यांच्यासह सात जणांचा समावेश आहे.

संजय तेलनाडेसह अरविंद सुकुमार मस्के, राकेश सुरेश कुंभार, दिपक सतीश कोरे, इमरान दस्तगीर कलावंत, आरिफ दस्तगीर कलावंत, अभिजीत सुभाष जामदार यांच्यावरही कारवाई झालेली आहे.

Edited By : Siddharth Latkar