Accident News :

परभणीमधून अपघाताची एक मोठी दुर्घटना समोर आली आहे. ट्रक आणि दुचाकीचा भीषण अपघात झाला आहे. या अपघातात एका व्यक्तीचा जागीच मृत्यू झालाय. परभणीतील राष्ट्रीय महामार्गावरील कोल्हापाटी येथे ही घटना घडली आहे.

अपघातत मृत्यू झालेल्या व्यक्तीचं नाव शेख मस्जिद शेख मैनोद्दीन मनियार (वय 42 वर्ष) असं आहे. ते परभणीच्या संजय गांधी नगर येथील रहिवासी होती. पोटाची खळगी भरण्यासाठी ते बांगड्या विक्रिचा व्यवसाय करत होते.

अपघाताची घटना घडली तेव्हा देखील ते बांगड्या विक्रीसाठी परभणी येथून मानवत रस्त्याने जात होते. यावेळी त्यांच्या दुचाकीला ट्रक चालकाने जोरदार धडक दिली. या धडकेत त्यांचा जागीच मृत्यू झालाय. सदर अपघात इतका भीषण होता की दुचाकीवरून शेख जोरात हवेत फेकले गेले. यामध्ये त्यांना गंभीर इजा झाली.

तसेच या अपघातात त्यांचा जागीच मृत्यू झाला. सदर घटनेनंतर रस्त्यावरील अन्य नागरिकांनी घोळका केला. तसेच ट्रकचालकाला पकडून ठेवले. काहींनी डॉक्टरांना कॉल केला तर काहींनी पोलिसांना याबाबत माहिती दिली. घटनेची माहिती मिळताच पोलीस आणि रुग्णवाहीकेने घटनास्थळी धाव घेतली. पोलिसांनी या प्रकरणी ट्रक चालकाविरोधात गुन्हा दाखल केला आहे.