Palghar Crime News:

सात महिन्यांपूर्वी पालघर जिल्ह्यातील बोईसरच्या सरावली परिसरात घरावर दरोडा टाकून तब्बल दोन लाख १२ हजारांचा मुद्देमाल लंपास करण्यात आला होता. या प्रकरणी पोलिसांनी तपास करत चार आरोपींना बेड्या ठोकल्या आहेत.

सात महिन्यांपूर्वी बोईसरमधील शादावल इंप्रेशन या इमारतीत घरावर दरोडा टाकून बेडरूममधील रोख रक्कम आणि सोन्याचे दागिने असा तब्बल दोन लाख 12 हजार रुपयांचा मुद्देमाल लंपास करण्यात आला होता. या घटनेचा भादवी कलम 454, 380 प्रमाणे गुन्हा दाखल करण्यात आला होता.

यानंतर पालघर पोलिसांनी गोपनीय माहितीच्या आधारे सापळा रचून चार आरोपींना अटक केली असून हे चारही आरोपी मूळचे उत्तर प्रदेशातील असल्याच समोर आले आहे. याच आरोपींनी मागील काही काळात साउथ दिल्ली येथे वाहन चोरी केल्या प्रकरणात त्यांच्यावर दिल्लीत गुन्हा दाखल झाला असून हेच चोरी केलेले वाहन त्यांनी बोईसर येथे घरफोडी करताना वापरल्याचेही समोर आले आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मोहम्मद शकीब मोहम्मद शौकत अन्सारी, मोहम्मद उमर महफूज अहमद, फर्मान महमद मुज्जमिल अहमद आणि मोहम्मद दानिश मोहम्मद मलिक वरीस अशी अटक करण्यात आलेल्या चारही आरोपींची नावे आहेत. त्यांनी बोईसर आणि पालघरमध्ये घरफोड्या केल्याचे समोर आले आहे. (Latest Marathi News)