सोशल मीडियावर सध्या एक व्हिडिओ जोरदार व्हायरल होत आहे. यावर नेटकऱ्यांनी संतापजनक प्रतिक्रिया दिली आहे.या घटनेची माहिती मिळताच पोलिसानी तात्काळ कारवाई केली. दिल्लीतील नोएडामध्ये दोन तरुणांनी एका महिलेचा पाठलाग करत तिच्याकडे बघून अश्लील चाळे केल्याची धक्कादायक घटना घडली आहे.

नोएडामध्ये एका पुलावर कारमधून महिलेकडे बघून अश्लील कृत्य केल्याचे समोर आले आहे. ही घटनेचा व्हिडिओ सोशल मीडियावर व्हायरल होत आहे. ज्यामध्ये स्पष्ट दिसत आहे की ही दोन तरुण महिलेकडे बघून गैरकृत्य करत आहे आणि त्यांचा पाठलाग देखील करत होते. यावेळी त्या महिला प्रचंड घाबरल्या आणि असुरक्षित वाटू लागले.

हा व्हिडिओ व्हायरल होताच पोलिसांनी याची गंभीर दखल घेतली आणि तपास सुरू केला. व्हिडिओच्या आधारे या टवाळखोरांची ओळख पटली आणि त्यांच्या मुसक्या आवळल्या. पोलीसांनी दिलेल्या माहितीनुसार आरोपी युवक अमित कुमार (मूळ रहिवासी – आजमगढ; सध्याचा पत्ता – जेव्हीएस सोसायटी, सेक्टर १३५, पोलीस ठाणे एक्सप्रेसवे, नोएडा) आणि अभिषेक (मूळ रहिवासी – कस्बा कुशमाहा, पोलीस ठाणे किसली, जिल्हा मैनपुरी; सध्याचा पत्ता – जेव्हीएस सोसायटी, सेक्टर १३५, नोएडा) असे आहेत.

पोलिसांनी त्यांची कार देखील जप्त केली आहे. UP 75 AH 3565 या गाडीचा नंबर आहे. दोघांना ताब्यात घेतले असून त्यांची चौकशी सुरू आहे. त्यांच्यावर कडक कारवाई केली जाईल असे पोलिसांनी सांगितले.