अभिजित सोनवणे, साम टीव्ही नाशिक

नाशिकमध्ये एका विहिरीमध्ये दोन मुलींचे मृतदेह आढळल्याची घटना समोर आलीय. कळवण तालुक्यात ही धक्कादायक घटना घडलेली आहे. मृत मुलींपैकी एक अल्पवयीन आहे, तर दुसरी तरूणी २० वर्षांची असल्याची माहिती मिळतेय. ही घटना २६ ऑगस्ट रोजी उघडकीस आली होती, या दोन्ही मुली मैत्रिणी होत्या, अशी प्राथमिक माहिती समोर आलीय.

विहिरीत आढळले २ मुलींचे मृतदेह

नाशिक जिल्ह्यातील कळवण तालुक्यात विहिरीत दोन मुलींचे मृतदेह (Nashik Crime News) आढळले. एकाच वेळी दोन मुलींचे मृतदेह आढळून आल्याने कळवणमध्ये मोठी खळबळ उडाली होती. माधुरी मोरे (२० वर्ष)आणि गीतांजली एखंडे (१३ वर्ष) अशी दोन्ही मृत मुलींची ओळख पटली आहे. या दोन्ही मुली मैत्रिणी होत्या. त्या २५ तारखेला सोबतच घराबाहेर पडल्या होत्या. परंतु त्यानंतर त्या घरी परतल्याच नाही, वाट बघून घरातील व्यक्ती कंटाळले होते. अखेर मुलींचा शोध घेण्यासाठी नातेवाईक बाहेर पडले.

अपघात की घातपात?

या दोघी २५ ऑगस्टपासून बेपत्ता होत्या. तेव्हापासून या दोन्ही मुलींच्या घरचे त्यांचा शोध घेत (Nashik News) होते. कळवणच्या लिंगामे गावातील गोपीनाथ पालवी यांच्या शेतातील विहिरीमध्ये या दोन्ही मुलींचे मृतदेह २६ ऑगस्ट रोजी आढळले होते. आता याप्रकरणी भावना पोलिसांकडून अकस्मात मृत्यूची नोंद करण्यात आलीय. आत्महत्या की घातपात, याबाबत पोलिसांकडून तपास सुरू (Dead bodies of two girls found in well) आहे. नक्की या घटनेमागे कोणतं गुढ दडलंय, याचा पोलीस शोध घेत आहेत.

गडचिरोलीत तरूणीची घेऊन आत्महत्या

गडचिरोली जिल्ह्यातील कोरची तालुका मुख्यालयापासून २ किलोमिटर अंतरावर असलेल्या मोहगाव नावाचं गाव आहे. येथे एका १८ वर्षीय तरूणीने गळफास घेऊन आत्महत्या केलीय. प्रेमी चंद्रभान मडावी, असं मृत तरूणीचं नाव (Crime News) आहे. ही तरूणी आजीसोबत मोहगाव येथे राहत होती. तिचे आई, वडील आणि दोन भाऊ परराज्यात मोलमजुरी करतात. दरम्यान तरूणीनं आत्महत्या का केली? याचं कारण अजूनही अस्पष्ट असून पुढील तपास कोरची पोलीस करीत आहेत.