सागर निकवाडे, साम प्रतिनिधी

शासकीय आदिवासी आश्रम शाळेतील मुख्याध्यपकाचा हैवानी चेहरा समोर आलाय. इयत्ता आठवीच्या विद्यार्थिनीवर मुख्याध्यापकाने लैंगिक अत्याचार केला आणि तिला जीवे मारण्याची धमकी दिली. ही संतापजनक घटना नंदुरबारात घडलीय. मुख्याध्यापकाने तिच्यासोबत केलेल्या गैरवर्तनाची माहिती विद्यार्थिनीने आई-वडिलांना सांगितली त्यानंतर त्यांनी धडगाव पोलीस स्टेशनमध्ये गुन्हा दाखल करण्यात आलाय.

मिळालेल्या माहितीनुसार, शासकीय आश्रम शाळा तलाईच्या मुख्याध्यापकसह वस्तीगृहाच्या व्यवस्थापिकेवरही गुन्हा दाखल करण्यात आलाय. नराधम मुख्याध्यापकाचे नाव रायसिंग वसावे आणि व्यवस्थापिका मालती पाडवी आहे. विद्यार्थ्यांना ज्ञान देणाऱ्या शिक्षकच असे हैवान असतील विद्यार्थ्यांच्या भवितव्याबाबत प्रश्न निर्माण होतोय. आदिवासी शाळांमधील विद्यार्थीं अत्याचाराचे बळी ठरत आहेत. त्यामुळे आश्रम शाळांमधील मुलींच्या सुरक्षिततेचा प्रश्न पुन्हा ऐरणीवर आलाय.

ही घटना उघडल्यानंतर आदिवासी संघटनांमध्ये संतापाचे वातावरण निर्मण झालंय. आरोपींवर कठोर कारवाईची मागणी आता जोर धरू लागली आहे. तर या घटनेनं आदिवासी आश्रम शाळांमधील मुलींच्या सुरक्षिततेचा प्रश्न पुन्हा एकदा ऐरणीवर आला आहे.