नागपूर : नागपूर जिल्ह्यातून एक धक्कादायक घटना समोर आली आहे. शिवीगाळ केल्याच्या क्षुल्लक कारणावरून मित्राने आपल्या जिवलग मित्राची धारदार शस्त्राने वार करून हत्या केली आहे. पारडी पोलीस स्टेशनच्या हद्दीत ही घटना घडली असून मोहन उर्फ बबलू मिश्रा असं मृतकाचं नाव आहे. तर मुख्य आरोपी अभिषेक कांबळे यांच्यासह तीन आरोपींना पारडी पोलिसांनी अटक केली आहे.

मोहन उर्फ बबलू मिश्रा आणि अभिषेक कांबळे हे एकाच परिसरात राहत असून चांगले मित्र आहे. त्यांच्यासोबत तीन मित्र होते. सर्वजण एकमेकांच्या ओळख परिचयातील आहेत. पारडी पोलीस स्टेशन हद्दीत स्वागत नगर परिसरात रात्रीच्या सुमारास मोहन उर्फ बबलू मिश्रा आणि आरोपी अभिषेक कांबळे आणखी तीन मित्रांसोबत बसले होते. यावेळी शिवीगाळ केल्याचा कारणावरून वाद झाला. हा वाद विकोपाला जात आरोपी अभिषेक कांबळे याने मोहन उर्फ बबलू मिश्रा याच्यावर धारदार शस्त्रानं वार केले. यात यावेळी रक्तस्राव होऊन मोहन उर्फ बबलू मिश्राचा जागीच मृत्यू झाला. पोलिसांनी यामध्ये चार आरोपींना अटक केली असून पुढील तपास सुरू आहे.

अभिषेक कांबळे याच्यावर यापूर्वीही मारण्याचे गंभीर गुन्हे दाखल होते. तो मागील एक वर्षापासून पुण्यात एका कंपनीत काम करत होता. तिथे एक महिन्याचा ब्रेक असल्यामुळे तो नागपुरात आला होता. याचदरम्यान मृतक मोहनने त्याला डिवचलं आणि यात शिवीगाळ दिल्यावरून वाद झाला, आणि हा वाद विकोपाला जाऊन ही घटना घडलीय.