अवैध वाळू उपसा करून चोरटी वाहतूक करणारा ट्रक पकडल्याने वाळू माफियांनी परभणी येथील मानवत तहसील कार्यालय परिसरात अधिका-याला बेदम मारहाण केली. या प्रकरणी मानवत पाेलिस ठाण्यात अधिका-याने दाेघांबाबत तक्रार दिली आहे. पाेलिसांनी त्यानूसार शासकीय कामात अडथळा या कलमासह विविध कलमान्वये गुन्हा दाख केला आहे. (Maharashtra News)
पाेलिसांनी दिलेल्या माहितीनूसार परभणी येथील मानवत तहसील कार्यालयात अवैध मार्गाने काढलेली वाळूचा ट्रक एका अधिका-याने पकडून आणला हाेता. हा ट्रक पकडण्याचा तुम्हाला अधिकार आहे का असा सवाल करत दाेघा जणांनी मंडल अधिकारी जगन बिडवे यांना मारहाण केली. त्याबाबत त्यांनी तक्रार दिली आहे.
मंडल अधिकारी जगन बिडवे यांच्या तक्रारीनूसार विठोबा घाडगे, लक्ष्मीकांत तिडके या दोघांवर शासकीय कामात अडथळा आणणे, गंभीर मारहाण करून जिवे मारण्याची धमकी देणे या कलमानूसार गुन्हा दाखल केल्याचे मानवत पोलिसांनी सांगितले. दरम्यान मंडल अधिकारी यांस मारहाण झाल्याने परभणी जिल्ह्यातील महसूल कर्मचा-यांमध्ये तीव्र असंताेष पसरला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.